Diyarname
Vê carê Radîkalê nivîseke li ser hejmara kurdan a li Tirkiyeyê weşand. Vane agahî:

Şîrketa lêkolînê KONDA'yê di rezbera 2006'an de anketeke 'Em kî ne?' çêkiribû. Ev agahî di navbera 19-26'ê adara 2007'an de di Milliyetê de hatin weşandin. Kondayê di avrêla 2008'an careke din anketeke çêkir. Niha ji rojnameya Radîkalê Bekir Agirdir li ser van lêkolînan rêzenivîseke lêkolîn-nirxandinî amade kir û beşa yekem a nivîsê îro di Radîkalê de hate weşandin.
Li gor nivîsê li Tirkiyeyê hemara kurdan li dor 11 mîlyonî ye. (Sedî 13,40 e.)
Bajarê kurdan ê herî mezin Stenbol e û li Stenbolê bi giştî 1.9 mîlyon kurd dijîn. (Sedî 14,8)

Têbiniya Diyarnameyê:
Balkêş e ev çend sal in li gor van lêkolînan hejmara kurdan di heman astê de dixuye. Digel vê yekê jî em lêkolîneke wisa girîng dibînin ku herî hindik nîşan dide ew qas kurd hene.
Em vê hejmarê qebûl bikin jî ev derdikeve holê: Li Tirkiyeyê 11 mîlyon kurd hene lê 11 mîlyon nikarin li dibistanan bi zimanê xwe dersê bibînin, zimanê xwe hîn bibin.
Ev yek di heman demê de gotina "Yek milet" jî pûç derdixe û herî hindik li Tirkiyeyê 11 mîlyon kes xwe di nav "yek milet"î de nabînin.