Diyarname
Neteweyên Yekbûyî (NY) hejmara kesên di şerê li Sûriyeyê de mirin eşkere kir. Li gor Komîsera Bilind a Mafên Mirovan a NY'yê Michelle Bachelet di şerê li Sûriyeyê de hejmara kesên mirine 350 hezarî derbas kir.
Bachelet dibêje ku ev reqem e wan diyar kiriye lê hejmar ji vê pir zêdetir e.
Bachelet di danişîna 48'emîn a Konseya Mafên Mirovan a NY'yê ku li Cenevreya Swîsreyê li dar ket axivî. Bachelet got ku di navbera adara 2011'an û adara 2021'ê de 350 hezar û 209 kes di şer de mirine û got: "Ev reqem, li gor kesên me tam navên wan bi dest xistine, têne zanîn, dîroka mirina wan diyar e û li kîjan bajarî mirine, li gor wê derketiye holê. Li ser van xalan kesên ku agahiya wan kêm bûne me ne xistiye nava vê hejmarê."
Li aliyê din Bachelet eşkere kir ku ji her 13 kesan mirine yek jê jin bûne. Her wiha Komîsera Bilind a Mafên Mirovan a NY'yê Michelle Bachelet eşkere kir ku di asta jêrîn de ev hejmar rastiyê nîşan dide, hejmar ji vê zêdetir e.