Diyarname
Vizêrî qeybî Lîga Şampiyonan a UEFA pişke hamîbû antişî, enro zî qeybî Lîga Ewropa û Lîga Konferansî ê UEFA pişke hamey antişî.
LÎGA DIYINAN LÎGA EWROPA
Di kûpaya diyin a pîle ya UEFA de qeybî serdemê 2021-2022 pişte hamî antişî. Di 8 koman de 32 tîmî ca gênê.
Di pişke de enî tîmî bî reqîbê yewbînî:
- Koma A: Lyon, Rangers, Sparta Prag, Brondby
- Koma B: PSV, Monaco, Real Sociedad, Sturm Graz
- Koma C: Napoli, Leicester, Spartak Moskova, Legia
- Koma D: Olympiakos, Frankfurt, Fenerbahçe, Antwerp
- Koma E: Lazio, Lokomotiv Moskova, Marsilya, Galatasaray
- Koma F: Braga, Kızılyıldız, Ludogorets, Midtjylland
- Koma G: Bayer Leverkusen, Celtic, Betis, Ferencvaros
- Koma H: Dinamo Zagreb, Genk, West Ham, Rapid Wien
Di koman de tîmê bibê yewîn go raste rast derbasê Dewrey 16'inan bibê. Tîmê bibê diyin jî go bi tîmê ke Lîga Şampiyonan de biyê hîriyin û hameyê tiya maçey Play-offî kay bikerê.
Maçê koman 16'ê aşmey îlonî de dest pa kenê û 9'ê berfanbarî de temam benê. Maçê Play-offî go 17 û 24'ê reşemiyê 2022'yinan de zey di maçan bêrê kaykerdişî. Tîmê ke di koman de bibê hîriyin zî derbasê Lîgey Konferansî ya Ewropa benê.
Maçey fînalî go rocê 18'ê gulanê 2022 de Stadê Ramon Sanchez-Pizjuan ê Sevillaya Spanya de bêro kaykerdişî. Emsar Villarreal ene kûpa girotebî.
Heta enka UEFA di lîgî Lîga Şampiyonan (Lîga tewr pîle), Lîga Ewropa (Lîga diyin pîle) viraştê, emsar Lîga Konferans (Lîga hîriyin) a UEFA zî ro wirdî lîgan zêde kerd.
LÎGA HÎRIYIN LÎGA KONFERANSÎ
Di lîga hîriyin a UEFA Lîga Konferansî de zî pişke hamî antişî. Emsar rey joyînan Lîga Konferansî yena viraştişî,
Di pişke de enî tîmî bî reqîbê yewbînî:
Koma A: LASK (Avusturya), Maccabi Tel Aviv (Îsraîl), Alashkert (Ermenistan), HJK Helsinki (Finlandiya)
- Koma B: Gent (Belçîka), Partizan (Sirbistan), Flora (Estonya), Anorthosis (Hetê Rûman ê Qibrisî)
- Koma C: Roma (Îtalya), Zorya (Ukrayna), CSKA Sofya (Bulgaristan), Bodo/Glimt (Norwec)
- Koma D: AZ Alkmaar (Hollanda), Cluj (Romanya), Jablonec (Çekya), Randers (Danîmarka)
- Koma E: Slavia Prag (Çekya), Feyenoord (Hollanda), Union Berlin (Almanya), Maccabi Haifa (Îsraîl)
- Koma F: Kopenhag (Danîmarka), PAOK (Yewnanistan), Slovan Bratislava (Slovakya), Lincoln Red Imps (Cebelitarık)
- Koma G: Tottenham (Îngilistan), Rennes (Fransa), Vitesse (Hollanda), Mura (Slovenya)
- Koma H: Basel (Swîsre), Karabax (Azerbaycan), Kairat (Kazakistan), Omonoia (Hetê Rûman ê Qibrisî)
8 koman de 32 tîmî têdir kay kenê. Koman de tîmê bibê yewîn raste rast derbasê Dewrey 16'inan berê. Tîmê bibê diyin bi tîmê Lîga Ewropa ê ke komanê xo de biyê hîriyin go maçey play-offî kay bikerê. Tîmê bi ser bikoy go ê zî derbasê Dewrey 16'inan bibê.
Maçê koman 16'ê îlonî dest pa kenê û 9'ê berfanbarî de qedênê. Fînalê Lîga Konferansî a Ewropa go rocê 25'ê gulanê 2022'yinan de bêro kaykerdişî. Maçey fînalî Ulusal Arena ya Tîranê Albeniya de go bêro kaykerdişî.