Diyarname

Vê hefteyê hefteya destpêkirina maçên fûtbolê ye. Va ye ji çend lîgan maçên pêşî:

LA LÎGA

Di La Lîga ya Spanyayê de 20 tîm hene. Li La Lîgayê serdem 13'ê mehê saet 22'yan de bi maça Valencia û Getafe dest pê dike. Par tîma Altetico Madrid bûbû şampiyon. Atletico Madrid 15'ê mehê dê bibe mêvanê Celta.

PREMIER LÎG

Premier Lig a Îngilistanê di nava xwe de 20 tîman dihebîne. Maçên îsal 13'ê mehê bi maça Brentford û Arsenalê dest pê dikin. Brentford nû derket Premier Ligê û yekem maça xwe dê bilîze. Şampiyonê par Manchester City ligel yek ji tîmên mezin Tottenhamê dê 15'ê mehê saet 18.30 de bilîze.

SUPER LÎG

Di Super Lîga Tirkiyeyê de 20 tîm hene. Maçên Super Lîgê vê hefteyê dest pê dikin. Serdema Lîgê ya 2021-2022'Yan 13'yê mehê saet 20.30 de bi maça şampiyonê par Beşîktaş û Rîzesporê dest pê dike. Maçên din rojên 13, 14, 15 û 16'ê mehê dê bêne lîstin. Di dawiya lîgê de 4 tîm dê ji lîgê bikevin, yek bibe şampiyon.

BUNDESLIGA

Bundeslîgaya Almanyayê bi maça şampiyonê par dest pê dike. Şampiyon Bayer Munih 13'ê mehê saet 21.30 de li Monchengladbacahê dibe mêvan. Di Bundesligayê de 18 tîm hene.

LÎGUE 1

Ji nav lîgên Ewropayê Ligue 1 ya Fransayê gavek zûtir dest pê kir. Ligue 1 6'ê mehê start da. Şampiyonê par Lille li Metzê lîst û maç bi 3-3'yan bi dawî bû. 

SERIE A

Lîga Îtalyayê Serie A îsal 21'ê mehê stratê dide. Maça yekem şampiyonê par Inter dilîze. Inter saet 19.30'î de dê Genoayê bike mêvan. Di Serie A'yê de 20 tîm dê bi hev re bilîzin.