Diyarname
Xêzkarê 'Mister No' û 'Zagor'ê, senarîst û edîtorê îtalî Sergio Bonelli di 79 saliya xwe de jiyana xwe ji dest da.

Banellî ji meha gelawêjê ve nexweş bû û dihat dermankirin. Hat gotin ku Bonelli li nexweşxaneyeke li Monzayê miriye.

Bonelli di senaryoyên dinivîsand de pênasê Guido Nolitta bikar dianî, di heman demê de xwedî weşanxaneyekê bû ku navê xwe li weşanxaneyê kiribû.

Bonelli xêzên wekî "Mister No" û "Zagor" ava kiribû, lê herî zêde Zagor dihat nasîn. "Zagor" wî tevî Gallieno Ferri di sala 1961'ê de nivîsand. Zagor li gelek zimanan hat wergerandin. Li Tirkiyeyê di sala 1962'yan de li tirkî hat wergerandin û heta sala 1970'ê ji aliyê Weşanên Ceylan ve hat weşandin. Paşê di navbera 1970-1993'yan de Weşanên Tay, di navbera 1996-2000'î de Weşanên AD û ji avrêla sala 2002'yan ve jî Weşanên Lal pirtûkên Zagor diweşîne.