DiyarName.Com

Fîlmê derhêner Ferît Karahan "Okul Tiraşi" li Berlinaleyê ye

Derhêner Ferîd Karahan bi fîlmê xwe yê nû "Okul Tiraşi" (Brother's Keeper) beşdarî Festîvala Fîlman a Berlînê Berlinaley

Diyarname

Derhêner Ferîd Karahan bi fîlmê xwe yê nû "Okul Tiraşi" (Brother's Keeper) beşdarî Festîvala Fîlman a Berlînê Berlinaleyê dibe. Îsal ji 59 welatan 166 fîlm dibin mêvanên festîvalê.

Festîvala Fîlman a Berlînê "Berlinale" îsal 71'emîn car dê deriyên xwe veke. Niha 15 fîlmên ku dê ji bo "Hirça Zêrîn" bikevin pêşbaziyê diyar bûn. Vîrusa koronayê îsal jî bandor li festîvalê kiriye û bernameya îsal bi vî rengî ye: Di navbera 1-5 adarê de ji bo nûnerên sektorê dê oline, di navbera 9-20'ê pûşperê de jî dê ji bo temaşevanan li dar bikeve. Îsal juriya ku dê serketiyên "Hirça Zêrîn" û "Hirça Zîvîn" diyar bikin ji derhênerên ku berê li Berlinaleyê bi ser ketine hatine diyarkirin. Di nav endamên juriyê de ji Îranê Mohammad Rasoulof, ji Îsraîlê Nadav Lapid, ji Romanyayê Adina Pintilie, ji Macaristanê Ildiko Enyedi, ji Îtalyayê Gianfranco Rosi û ji Bosna Hersekê Jasmila Zbanic hene.

FÎLMÊN KETINE DÛ HIRÇA ZÊRÎN

Fîlmên ku ji bo Xelata Hirça Zêrîn dê bikevin pêşbaziyê ev in:

"Albatros" (Der. Xavier Beauvois), "Bad Luck Banding or Loony Porn" (Der. Radu Jude), "Fabian oder Der Gang vor die Hunde" (Der. Dominik Graf) , "Ghasideyeh gave sefid" (Der. Behtash Sanaeeha/Maryan Moghaddam), "Guzen to sozo" (Der. Ryusuke Hamaguchi), "Herr Bachmann und seine Klasse" (Der. Maria Speth), "Ich bin dein Mensch" (Der. Maria Schrader), "Introduction" (Der. Hong Sangsoo), "Memory Box" (Der. Joana Hadjithomas/Khalil Joreige), "Nebenan" (Der. Daniel Bruhl), "Petite Maman" (Der. Celine Sciamma), "Ras vkhedavt, rodesac cas vukurebt" (Der. Alexandre Koberidze), "Rengeteg-mindenhol latlak" (Der. Bence Fliegauf), "Termeszetes feny" (Der. Denes Nagy), "Una Pelicula de Policias" ( Der. Alonso Ruizpalacios).

"OKUL TIRAŞI" LI PANAROMAYÊ YE

Fîlmê derhêner Ferît Karahan ê nû bi navê "Okul Tiraşi" di beşa Panoramayê tê nîşandayîn. Karahan li Wanê ev fîlmê xwe kişandiye. Li dibistanê zarokek nexweş dikeve, pêşî brokrasiya dibistanê nahêle wî bibin cem dixtor, paşê ku ev mesele hel dibe vê carê berf û rewşa xezayê nahêle. Ew vedigerin dibistanê û bûyer li wir didomin.

Di serlîstikvaniya fîlm de Ekin Koç, Mahir İpek, Cansu Firinci, Melih Selçuk û Samet Yildiz dilîzin.

Derhêner Ferît Karahan di sala 1983'yan de li Mûşê hatiye dinê. Heta niha di kurtefîlm "Tufandan Once" û "Yusuf'un Ruyasi" kişandibû. Paşê yekemîn fîlmê xwe yê metrajdirêj bi navê "Cennetten Kovulmak" kişandibû û di serî de li Festîvala Fîlman a Antalyayê li gelek festîvalên din xelat girtibû. "Okul Tiraşi" duyemîn fîlmê metrajdirêj ê Karahan e.

FÎLMÊN LI PANORAMAYÊ

Li aliyê din di beşa Panoramayê de 19 fîlm hene. Ligel "Okul Tiraşi" ev fîlmên din dê vê beşê de bêne nîşandayîn:

- Censor

Derhêner: Prano Bailey-Bond

- Death of a Virgin, and the Sin of Not Living

Derhêner: George Peter Barbari

- Dirty Feathers

Derhêner: Carlos Alfonso Corral

- Genderation

Derhêner: Monika Treut

- Bliss

Derhêner: Henrika Kull