Diyarname
Cîgirê Serokê Koma MHP'ê bi daxwaznameyeke serî li Serokê Meclisê da û xwest mebûsiya BDP'yiyan bê betalkirin.

Ji ber betalkirina mebûsiya Hatip Dicle û serbest bernedana mebûsên hatine hilbijartin BDP ji roja hilbijartinê ve heta niha di boykotê de ye û neçûye meclisê. Li ser vê yekê Cîgirê Serokê Koma MHP'ê Oktay Vural bi daxwaznameyeke serî li Serokê Meclisê Cemil Çiçek da û xwest Rêziknameya Navxweyî ya Meclisê bixe pratîkê. Vural got ku li gor rêziknameyê di 5 danişînên meclisê de mebûsên ku amade nebin mebûsiya wan betal dibe û xwest Çiçek vê rêziknameyê bixe pratîkê. Vural got ku ev bû 13 danişîn ku BDP'yî nayên meclisê û xwest mebûsiya wan bê betalkirin.