Diyarname
Vê hefteyê 4 fîlmên nû yên bi navê "Recep Îvedik", "Bayrampaşa: Ez ê zêde nemînim", "Sirgûn", "WinX Club: Raza Qraliyeta Winda" ketin vîzyonê. Di nav fîlmên vê hefteyê de "Sirgûn" derdikeve pêş. Sirgûn

Derhêneriya fîlmî Andrei Zvyagintsev û lîstikvanên filmî Konstantin Lavronenko, Maria Bonnevie, Aleksandr Baluyev in, cureya fîlmî dram e. Andrei Zvyagintsev bi fîlmê xwe yê "Veger" li Venedîkê xelata Şêrê Zêrîn jî di nav de gelek xelat girtibû. Niha Zvyagintsev bi "Sirgûn" derdikeve pêşberî temaşevanan. Derhênerê rûs Dê, bav û du zarok ji bajarê mezin vedigerin mala li gundê ku ji bavê wan ji wan re maye. Bi vî awayî ji dêvla bajêr êdî dîmenên xwezayî yên gund di jiyana wan de cih digire. Ew dixwazin ku fedekariya xwe li wê derê nîşan bidin.

Bayrampaşa ez ê zêde nemînim

Derhêneriya fîlmê komêdî û dramayê ‘Bayrampaşa: Ez ê zêde nemînim’ Hamdî Alkan dike û lîstikvanên Vural Çelik, Yasemin Conka, Hakan Yilmaz û Okan Tangucu tê de dilîzin. Fîlm li ser çîroka kesek ku bi şaşî hatiye girtin û li girtîgeha Bayrampaşayê ye lê nekariya derdê xwe vebêje nîşan dide. Erdem (Vural Çelik) ku zewicandiye û du zaroyên wî hene karê kuaforiyê dike. Rojekê dema rastî hevalê xwe yê taxê Ahmet (Hakan Yilmaz) tê sozê dide ku pêre here çayxaneyeke lê Ahmet tilyakfiroş e û telefonên wî têne guhdarîkirin. Erdem her çiqas bixwaze masûmiyeta xwe ji wan re vebêje jî nikare kesekî qanih bike.

Recep Îvedik

Derhêneriya fîlmê komedî ‘Recep Îvedîk’ Togan Gokbakar dike û lîstikvanên weke Fatma Toptaş û Şahan Gokbakar tê de dilîzin. Zilamek cuzdanê xwe winda dike, zilamekî din ku li kuçeyan dijî tam di kêliya ku wê cuzdanê biqufile û bireve Recep Îvedîk bi wî re dikeve têkoşînê. Di dawiyê de Recep Îvedîk cuzdanê xwe ji wî zilamê bêmal û bêwar digire lê dema vedigere mêze dike xwediyê cuzdanê çûye. Recep Îvedîk dema êvarê li televîzyonê di nûçeyan de dibîne ku cuzdan aîdî karsazekî girîng ê Antalyayî. Recep Îvedî di rêwîtiya xwe ya Antalyayê de rastî surprîzên komîk tê.

WinX Club: Raza Qraliyeta Winda

Derhêneriya fîlmê anîmasyonê Iginio Straffi dike. Şanzdeh sal berê leşkerên sihêrbaz ên biçûk ji bo bi xirabiyên xwe şer bikin xwe kirin qurban.Di vî şerî de ji bo ku xwîşka Prens Bloom xwe feda dike ew rizgar dibe, lê malbata wî hebû çûye, gerstêrka wî Spark têk çûye.Malbateke li dinyayê Bloomî wekî ewlad ji xwe re hildibijêrin. (diyarname.com)