ENQERE
Parêzerê mebûsê Amedê M. Hatîp Dîcle ji bo YSK biryara xwe bi paş ve bikşîne serî li Dadgeha Zagona Bingehîn da.
Parêzeran li gorî xala 85'an a Zagona Bingehîn serî li Dadgeha Zagona Bingehîn da. Parêzer Levent Kanat, diyar kir ku muvekilê wî Hatîp Dîcle hatiye hilbijartin û mazbateya xwe wergirtiye.
Kanat got ku mafê wî yê parlementeriyê ji destê wî hatiye desteserkirin û wiha got: "Muvekilê min wekî parlementer hatiye hilbijartin û mazbateya xwe wergirtiye. Pişt re divê der barê wî de meclis biryarê bide. Lê mixabin YSK'ê rayeya meclisê desteser kiriye. Ji bo ku ev şaşî bê rastkirin me li gorî xala 85'an a Zagona Bingehîn serî li dadgehê da û xwest ev biryara şaş bê rastkirin. Me xwest mazbateya Wekîla AKP'ê Oya Eronat bê betalkirn û biryar bê rastkirin. Em dixwazin dawî li bêhiqûqî û desteserkirinê bê."