Di 22'yê avrêla 1898'an de rojnamegeriya kurdî dest pê kir. Îro roja rojnamegerên kurd e. Roja salvegera rojnameya "Kurdistan" a Mîthed Mîqdad Bedirxan e.

Bedirxan rê li ber me vekir. Bi xêra wî îro em rojnamegeriya kurdî dikin. Em di vê salvegerê de careke din wî û rojnameya wî Kurdistanê bibîr tînin.

Di heman demê de Diyarname bi xêra wî îro vî karî dike. Di deman demê de salvegera Diyarnameyê ye jî.

Diyarname di 21.04.2005'an de dest bi weşana xwe kir. Kete sala xwe ya 6'an.

Di van salan de li ser rêya "Kurdistan"a Bedirxan me jî kir nîşanî kurdan bidin "li ku dibistanên baş hene", "li dinyayê çi diqewime"...

Me jî kir peyvên kurdî wekî Bedirxan ragihînin kurdan...

Û di vê salvegerê de, di muhasebeya salekê de em dikarin bibêjin careke din Diyarname bû wekî çavkaniyeke ji bo çapemeniya kurd, bû wekî ajanseke.

Di heman demê de di vê salê de wekî salên din jî me mijarên nîqaşê dan dest pê kirin, agahiyên li ser berhemên kurdî me ragihandin raya giştî ya kurdan...

Bi hêviya ku li ser rêya Bedirxan, ji bo kurdî emê bikaribin hê gelek tiştî bikin.