Diyarname
Ji Messi, Ronaldo heta Ballon d'Or, heta vîrusê û Hatay Sporê, vane nûçeyên di warê sporê de îro derketine pêş..
Ballon d'Or piştî 54 salan betal bû
Kovara France Football ji sala 1956'an ve her sal xelata Ballon d'Or dide lîstikvanên herî serketî yên li Ewropayê lê îsal ji ber vîrusê dê xelatê nedi. Kovarê eşkere kiriye ku ji ber îsal di warê fûtbolê de salek ecêb derbas dibe ewê îsal vê xelatê nedin. Hatiye eşkere kirin ku tenê dê 11 Lîstikvanên Herî Serketî bêne diyarkirin.
Par lîstikvanê Barselonayê Lionel Messi ev xelat girtibû. Messi di salên 2009, 2010, 2011, 2012, 2015 û 2019'an de bi temamî 6 caran ev xelat girtibû ku di vî warî de yê herî zêde ev xelat girtiye ye.
Ronaldo gihîşt 50
Tîma îtalî Juventus li mala xwe Lazio kir mêvan û bi 2-1 bi ser ket. Bi vê yekê Juventus ji bo 9'emîn car ser hev de bibe şampiyon gavek din ber bi pêş ve çû.
Ronaldo ku di deqîqeya 51'ê (ji penaltî) û 54'an de du gol avêtin di Serie A'yê de bû xwedî 50 golan. Bi vê yekê Ronaldo bû yekemîn kes ku hem li La Lîga, Premier Lîg û hem li Serie A'yê de 50 golan diavêje.
Ji ber vîrusê maç betal bû
Di Lîga 2'yemîn a Spanyayê de duh êvarê divê maça Deportivo La Coruna û Fuenlabrada bihata lîstin lê ji ber di tîma Fuenlabrada de testa vîruso koronayê ya 7 lîstikvanan pozîtîf derket maç hat betalkirin.
Messi bû 7 caran dibe kral
Lîstikvanê Barselonayê Lionel Messi di maça dawî de 2 gol avêtin û bi vê îsal di La Lîgayê de gihîşt 25 golan. Bi vê yekê jî bû 7 caran di La Lîgayê de dibe kesê herî zêde golan diavêje.
Di La Lîgayê de Telmo Zarra bi temamî 6 caran bûbû kesê di La Lîgayê de herî zêde gol avêtine û Messi rekora wî ji dest wî girt. Messi di sala 2011-2012'yan de tam 50 gol di La Lîgayê de avêtin ku gihîştina vê hejmarê hinek zehmet e.
Karneya Messi bi vî rengî ye:
2009-10: 34 gol
2011-12: 50 gol
2012-13: 46 gol
2016-17: 37 gol
2017-18: 34 gol
2018-19: 36 gol
2019-2020: 25 gol
Hatay Spor kûpaya xwe girt
Tîma fûtbolê a Hatay Spor ku di Lîga 1'emîn a PTT'ê de bi ser ket û bû şampiyon duh bi merasimek kûpaya xwe girt. Li Stada Ataturk a Antakyayê lîstikvanan madalya girtin. Kaptanê tîmê Mesut Çaytemel û teknîk dîrektorê tîmê Mehmet Altinparmak ji TFF'ê kûpa girtin.
Hatay Spor sala bê dê di Lîga Super a Tirkiyeyê de bilîze.