Diyarname
Festîvala Rotterdamê wekî gelek festîvalên din ji ber vîrusa koronayê hat betal kirin. Rotterdam jî di nav de 21 festîvalan bi hev re "We ar one: A Global Film Festival" dan dest pê kirin ku niha hê didome. Di vê çarçoveyê de 2'yê mehê fîlmekî bi kurdî ji Rojava jî hat nîşandayîn.
Fîlmê bi navê "Çîroka bajarên wêrankirî" li ser wêrankirina Şengalê hatiye kişandin û bi vê re rewşa wêrankirina bajarên kurdan xweşik nîşan dide.
Fîlmê 27 deqîqeyî ji aliyê derhêner Şêro Hinde ve hatiye kişandin
Bi wêrankirina bajêr re wan jî berê kameraya xwe daye wir, dikanên hatine wêrankirin, berberê neynik kişestî, li dikanê kincfiroş mankenên wan ên plastîkî ku xwîn bi ser wan de pekiyaye, dibistanê ji guleyan bûye wekî seradê û cihên din ên bi vî rengî... Kurtefîlm bi teknîkê dîmen û li aliyê paş jî dengên şêniyên bajêr wekî ku tiştek nebûbe, bi awayekî xweş li hev anîn e.
Fîlm 2'yê mehê hat nîşandayîn lê hê jî li ser kanala festîvalê ya Youtube ye û yên bixwazin dikarin lê temaşe bikin., KUNYE: Nav: Çîroka Bajarên Wêrankirî Derhêner: Şêro Hindê Senaryo: Onder Çakan Derhênerê Dîmenê: Mazdek Ararat Montaj: Diyad Hesso Cîgirên Derhêner: Dalîa Remo, Nadîa Derwîş Deng: Diyar Hesso, Alan Lehdo, Nadîa Derwîş Çêkirina Mîksa Deng: Metîn Bozkurt Restkirina Rengan: Sercan Subaşi Produksiyon: Alan Roj, Qehtan El-Qeyrewanîv, Hogir Qolan, Eli Ruzgar Lîstikvan Mirad: Qehtan El-Qeyrewanî, Besê, Dirbo, Mehlo, Edûl, Sema Amed Mamosta Dibistanê Xatûn Piso Papaz: Qasimê Miradê Xelef Berber: Fehmî mûşê Xwediyê Potîkê: Nîzar Osê
Ji bo temaşekirina fîlmî, lînk:
"Çîroka Bajarê Wêrankirî" ji aliyê derhêner Şêro Hindê ve hatiye kişandin.