Diyarname

Kovara Nûbiharê bi hejmara xwe ya 151'ê li pêşberî xwendevanên xwe ye.

Nûbihar ku sê mehane ye,bê navber derdikeve lê hinek dereng derdikeve. Kovarê hejmara xwe ya bihara 2020'an pêşkêşî xwendevanên xwe kir. Di vê serdema koronayê de kovar hinek derengî digihîje ber destê xwendevanan. Edîtorê kovrê Suleyman Çevîk bi kurtahî li ser meseleya koronayê û bandora wê sekiniye.

Ahmed Aras bi sernavê "Mele Mistefa û Rewşenbîrê Kurda û Qedrîcan" nivîseke bîranînî nivîsiye. Di nivîsê de qala çûyîna xwe ya Rojava, têkiliya xwe ya ligel Qedrîcan a li wê derê û agahiyên li ser Mele Mistefa û meseleya rewşenbîra a li wir kiriye.

Balkêş e di vê hejmarê de gelek nivîs û helbest li ser Mîks û Hîzanê hatine belavkirin. Helbestekî Feqiyê Teyran ku Mela Muhemmedê Gulnarê Miksî peyda kiriye, nivîsa Nevzat Eminoğlu ku Hîzanê wekî navendeke îlmê dînî û edebiyateke kurdî bi nav kiriye û her wiha hevpeyvîneke ligel Îbrahîm Sunkur hatiye kirin ku ew jî li ser heremê diaxive. Dîsa çend helbestên vê hejmarê jî ji aliyê kesên vê derdorê ve hatine nivisîn.

Dîsa Hêriş Kemal Rêkanî helbesteke Axaokê Bêdarî ku ev helbestvan jî ji Hîzanê ye û helbestvanê sedsala 17-18'an de derxistiye holê.

Ji nivîsên din Roşan Lezgîn li ser Mela Mihemedê Palo nivîsa xwe amade kiriye û jiyana balkêş a Paloyî pêşkêş kiriye.

Murad Celalî ferhengaYûsif Ziyaeddîn Paşa, El-Hediyyetul Hemîdiyye fî Luxatîl Kurdiyye girtiye dest. Nivîskar Ali Karadeniz jî bi sernavê "Bi çavekî din Destana Zenbîlfiroş û çend vederxistin" mesele girtiye dest.

Ji bilî van jî hin nivîs û helbestan di kovarê de cih girtine.

Ji bo têkilî: 

Tel: 0212 519 00 09- 0505 259 84 02

Mail: nubihar@gmail.com