Diyarname
Fîlmên ku di 16'emîn Festîvala Gerok de bêne nîşandayîn û bikevin pêşbaziyê diyar bûn.

Festîvala Gerok ku ji aliyê Ankara Sinema Dernegi ve tê organîzekirin her sal li gelek bajaran digere û li wan deran fîlman nîşan dide.
Festîvala îsal tenê li sê bajaran, li Enqere (3-9.12.2010), Artvîn (10-16.12.2010) û li Orduyê (16-19.12.2010) li dar dikeve.
Di festîvalê de 9 fîlm wê bi hev re bikevin pêşbaziyê. Ji Belçîka, Peru, Çîn, Fransayê 7 fîlm û ji Tirkiyeyê jî "Çogunluk" ê derhêner Seren Yuce û "Saç" ê Tayfun Pirselimoglu dê bikevin pêşbaziyê.

5 fîlmên ku di pêşbaziyê de cih digirin di heman demê de pêşberendamê Xebata Akademiya Amerîkayê (Oscar) ne. Ji fîlmê Szabolcs Hajdu li ser navê Macaristan’ın berendamê Oscarên 2011'an e.

Ji Belçîkayê fîlmê Olivier Masset-Depasse yê bi navê "Îllegal" jî li ser navê Belçîkayê berendamê Oscarê ye. Fîlm li ser çîroka Tania ku tevî kurê xwe yê 14 salî ji Rusyayê reviya ye û li Belçîkayê bi awayekî îllegal (nezagonî) wekî penaber dijî pêşkêş dike; bi vî awayî balê dikişîne ser jiyana penaberan. Derhêner dibêje ku a rast ne Taina, pergal bi xwe îllgeal e û diyar dike ku mirovên ji ber zilmê ji welatên xwe reviyane, li welatên ku hatine lê bijîn il wê derê jî zilmê dibînin.

Fîlmên yekemîn wê 10 hezar Euro, yê duyemîn jî 5 hezar Euro bigire. Her wiha jurî jî wê Xelata SÎYAD'ê (Komeleya Nivîskarên Sînemayê) bide.