Diyarname
Weşanên Sor û kovara Dilopê li Wanê bi navê “Helbesta Arjen Arî” dê şevbuherkek li dar dixe. Şevbihurk 1’ê meha pêşiya me saet 18’an de dê li dar bikeve.
Hemû helbestên Arjan Arî yekem car îsal ji aliyê Weşanên Sor ve wekî set hatin çapikirin. Ji bo vê Weşanên Sor û kovara Dilopê bi hev re şevbuhêrkek li ser Arî li dar dixin.
Li gor daxuyaniya amadekaran di şevbuhêrkê de pêşî dê Bêkes Nûrî Abdal guldesteyek ji muzîka xwe pêşkêş bike û dûre dê panelek li dar bikeve. Mihemed Ronahî, Omer Dilsoz û Reşo Ronahî dê wekî axafger beşdarî panelê bibin û li ser helbesta Arjen Arî biaxivin. Piştî panelê jî wê ji helbestên Arjen Arî hin bêne xwendin.
Nûnerê Weşanên Sor Reşo Ronahî ku yek ji amadekarên vê şevbuhêrkê ye jî wisa dibêje: “Em serbilind in ku cara ewil me wekî weşanxane hemû helbestên şaire nemir çap kirine. Par jî di heman rojê de me li Wanê panelek li dar xistibû û me cara ewil li wê derê ragihandibû ku em ê helbestên Arjen Arî çap bikin. Salek piştî wê, di heman rojê de, li heman bajarî em vê panelê li dar dixin û wekî me soz dabû xwîneran em hemû helbestên wî digihînin ber destan. Ji ber hindê maneya vê panelê zêdetir e bo me”
Ji bo têkilî:
Twitter: @wesanen_sor @kovaradilop
İnstagram: @wesanen_sor @kovaradilop
Facebook: Dilop Kovar