Diyarname

Derhêner Mano Xelîl kişandina fîlmê xwe yê bi navê "Cîran" temam kir.

Derhêner Mano Xelîl 25 sal berê ev senaryo nivîsandibû lê heta niha ji ber aborî nekarî bikişîne. Ji ber ku mijar di salên 1980'yan de li rojavayê Kurdistanê derbas dibe, Xelîl xwest li wê derê bikişîne lê ji ber şerê li Rojava nekarî û derbasî Başûr bû, li cihek nêzî Duhokê ku bişibe Rojava seta xwe saz kir û fîlm kişand.

Film li ser dema piştî derbeya ku Hafiz Esad çêkir hatiye kişandin, qala siyaseta wî ya nijadperest, hilweşandina  çand, ziman, kultur û olên cuda wekî misilman, xiristiyan, cihû, êzîdî û bawerîyên din yên ji aliyê Baasê ve dike.

Diya derhêner li Ser Xetê, bavê wî Bin Xetê ye û Mano Xelîl qala wê serdemê, qala zarokatiya xwe û ji ser vir ve berê kamerayê dide wê demê. Çîroka zarokek şeş salî yê li benda eletkrîkê ye ku eleketrîk were gundê wî û ew bikaribe li kartonfîlman temaşe bike. Ev rol ji aliyê Serhad Xelîl ê şeş salî, yê ji rojavayê Kurdistanê lîstiye.

Fîlm berê temaşevanan dide helwestên nijadperest ên Baasê ku çawa mal û milkên kurdan talan kirine, çawa erebê Sûrî anîne li rojavayê Kurdistanê bi cih kirine. Di fîlm de lîstikvanên kurd, ereb, hin lîstikvanên brezîlî jî rol girtine.

KUNYE

Nav: Cîran

Senaryo, derhêner û produksîon: Mano Xelîl

Produksîon: Frema Film – Bern 

Belavkirina Fîlm: Frenetic Films

Wêne: Stephane Cuthy

Edîtor: Thomas Bachmann

Ronahî: Elias Fernandes

Sal: 2020

Ziman: Kurdî, erebî, hibrî

Lîstikvan: Serhad Xelîl, Jîhad Abdo, Ahmed Zîrek, Jelal al Tawil, Mazen Al Natour, Nesîma Daher, Tuna Dwek, Haval Naif, Ismaîl Zagros , Bengîn Ali, Derya uygurlar