Diyarname

Hemû pirtûkên Arjen arî wekî setek hatin amadekirin û set ji Weşanên Sor derket.

Weşanên Sor 9 pirtûkên helbestan ên helbestvanê gorbihuşt Arjen Arî dan hev û ji nû ve çap kirin. Arjen Arî roja 30'ê kewçêra sala 2012'yan de wefat kiribû. Hin pirtûkên wî ji aliyê Weşanên Evrenselê ve ku ew di sala 2016'an de ji aliyê dewletê ve bi KHK'ê hat girtin hatibûn weşandin. Hin jî li cihên din çap bûbûn Niha Weşanên Sor ew dan hev û hemû wekî setek di bin banê xwe de çap kirin û belav dike.

Di setê de 9 pirtûk hene. “Ev Çiya Rûspî ne”, “Şêrgele”, “Ramûsan Min Veşartin Li Geliyekî”, “Eroûtîka”, “Çil Çarîn”, “Efendîno”, “Destana Kawa û Azhî Dehaq”, “Heftê û Du Nefî” û “Şi’îr û Sînor” navên pirtûkên di nav setê de ne. Weşanên Sor yekem car dê di Fûara Pirtûkan a Amedê ku roja 28'ê mehê dest pê dike de pêşkêşî xwendevanan bike.

Her wiha di çarçoveya Fûara Pirtûkan a Amedê de Weşanên Sor jî dê hin çalakiyan li dar bixe.

Ji bo xwestinê: 0216 449 25 41