Diyarname

Emsar "Pêşbazî Dêran a Eurovision" vizêrî şande Tel Avîv a Îsraîlî de viraziya. Dêrvanê hollandî Duncan Laurence bi dêrey xo "Arcade" bî joyîn. 

Emsar rey 64'inan Pêşbazî Dêran a Eurovision viraziya. Dervanê hollandî ê 25 sere Luanrence bi dêrey xo "Arcade" 492 pûanî girotî û bî joyîn. Hollanda dimay 44 seran roy joyîne ke bena joyîn. Îtalya bi dêrey "Soldi" ke Mahmoodî a vate 465 pûan girot û bi diyîn. Rusya bi Sergey Lazarev kewte pêşbazî. Lazarev bi dêrey xo "Scream" 369 pûanî girot û bî pîriyin.

Madonna dêre vate

Dervana bi namey û veng Madonna jî veciya vernî însanan û dêrî vatî. Verî Madonna veciyo zehf hamîbî rexnekerdin. Madonna wexto veciya ser sekû paştey dansvanekey cay de aley Îsraîlî yê joy de jî aley Filistînî bîbî. 

EBU (Jobîney Weşanê Ewropa) no hereketê Madonna rexne kerd û vat, "Pêşbazî Dêran a Eurovision siyasî niya."

Madonna jî serê twitterê xo ra eno hereketê xo parast û qayê peyamê aştî û jobîne kerd.