Diyarname
Li Amedê, li Mala Dengbêja ve havînê her roja şemî dengbêj li benda mêvanên xwe ne.
Par li Amedê Mala Dengbêjan hatibû vekirin, digel vê xebatê CD'yek û Antolojiyeke Dengbêjan hatibû derxistin. Di heman demê de dengbêjan li Amedê û Stenbolê konser pêşkêş kiribû. Ji wê demê de dengbêj li mala xwe xebatên xwe didomînin. Niha jî wan dest bi konseran kir. Ji niha û di hemû serdema havînê de dengbêjên Amedê dê her roja şemiyê di navbera saet 16.00 - 18.00'an de li Mala Dengbêjan diwanê saz bikin û klamên xwe pêşkêş bikin.
Di şeva yekem de projeya ku CD û Antolojiya Dengbêjan hate nasandin. Wekîlê Serokê Koma Meclisê ya DTP'ê Selahattin Demirtaş, Şaredarê Bajarê Mezin ê Amedê Osman Baydemîr, Şaredara Baglarê Yurdusev Ozsokmenler, Şaredarê Kayapinarê Zulkuf Karatekin, helbestvan Hicri Îzgoren, endamên meclisa şaredariya û hunermez amade bûn.
Şaredar Baydemîr ku mazûvanî dikir got; "Xwediyê malê ne em, hûn in. Ez kêfxweş im ku li pêşberî we me. Ger heta niha hê jî kurdî tê axaftin di vir de rola dengbêjên me gelek mezin e.
Piştî axaftinan dengbêj ÎBrahîmî Tirkî, Seyîdxanê Boyaxçî, Nêgizê Hemê, Feleknas, Hesenê Şilbî û Îsmaîlê Sêlimî klamên xwe pêşkêş kirin.
Ji bo yên eleqedar:
Mala Dengbêjan:
Ziya Gokalp Mahallesi, Kiliççi Sokak, No: 6 (li kêleka Mizgefta Behram Paşa)
Telefon: (0412) 229 20 34