Diyarname
Xelatên Azadiya Fikir û Ramanê yên 2008'an ku Yekîtiya Nivîskarên Tirkiyeyê dide hatin belavkirin.
Yekîtiya Nivîskarên Tirkiyeyê (TYB) ji sala 1995'an ve Xalata Azadiya Fikir û Ramanê dide nivîskar, weşanger û pirtûkfiroşek. TYB'ê îsal li Hotela Taksim Hillê xelat da. TYBR'ê ji ber dozên ku li hemberî wê vebûne xelat da nivîskar Perihan Magden, ji ber dozên ku li hemberî weşanxaneya wan vebûne li ser navê weşanxaneyan xelat da xwediya Weşanên Evrenselê Songul Ozkan û li ser navê pirtûkfiroşan jî xelat da pirtûkfiroşekî bi navê Vural Okur ku ev 27 sal in li Bursayê pirtûkfiroşiyê dike.
TYB'ê digel xelatdayînê agahiyên li ser dozên ku li hemberî weşangeran vebûne jî eşkere kir. Li gorî agahiyên TYB'ê di salekê de li ser 47 pirtûkên 38 nivîskaran ku ev ji 22 weşanxaneyan derketine doz hatine vekirin. Ji van hin bereat kirine, hin doz betal bûye û hin jî hatine cezakirin. Di nav van de pirtûkên ku weşanxaneyên kurdan derxistine di rêza pêşî de ne.
Foto: Cemil Oguz