Diyarname
Rojnaemgerê amerîkî Bob Woodward li ser Serokdewletê DYA'yê Donald Trump bi navê "Fear, Trump in The White House" (Tirs,Trump li Qesra Spî ye) pirtûkek nivîsî. Pirtûk di 24 saetên ku derket piyaseyê de 750 hezar heb firot û bi vê yekê di sê salên dawî de wekî pirtûka ku herî zêde bilez hatiye firotin cih girt. Pirtûk 448 rûpel e û ev bû çend roj hatiye weşandin.
Weşanxaneya Simon&Schuster got ku ev demek dirêj e di warê firotinê de reqemem wisa nehatiye dîtin. Serokê Weşanxaneyê Jonathan Karp jî li ser serketina pirtûk wisa gotiye: "Ev fenomenk çandî ye. Diyar e ku mirov di vê mijarê de birçîne."
Herî dawî di sala 2015'an de pirtûka "Go Set a Watchman" bi vî awayî "Bilez" gelek firotibû.
Di pirtûkê de li ser Trump gelek tişt têne gotin û hin jivan nivîskar îdîa dike ku Trump ji Wezîrê Edaletê Jeff Sessions ku hê jî wezîr e re gotiye, "Kêmaqil, xêtê ji başûr". Ji Wezîrê Ticaretê re gotiye jî gotiye, "Ez bi te nebawer im, ez êdî naxwazim di nav muzakereyan de tu jî hebî."
Her wiha pirtûk îdîa dike ku Trump di sala 2017'an piştî êrîşa çekên kîmyewî ji bo Beşar Esadî wisa gotiye; "Vî kujerê pîs bikujin. Em bikevin hundin û piraniya van bikujin."
Li ser van gotinan Berdevka Qesra Spî Sarah Sanders bertek nîşanî pirtûk daye, gotinên têde wekî "çîrok hatine nivîsîn, pirtûk bi şaşiyan tije ye" û wisa gotiye: "Beşa mezin a pirtûk li ser îdîayên xebatkarên berê hatiye sazkirin û çîrok hatine afirandin. Armanca hemûyan ew e ku serokî xirab nîşan bidin."