Diyarname
Di şewata ku li 20 kîlometre nêzî Atînayê çêbû de derket holê ku arşîva derhênerê yewnanî yê navdar Theo Ancelopoulos jî şewitiye.

Roja 25 mehê li herêma Pentell û Rafîna ku girêdayî Atînayê ne şewat derketibû û li dor 80 kesî jiyana xwe ji dest dabû, bi sedan birîndar çêbûbûn û her wiha zirarer gelek mezin derketibû holê. Niha hêdî hêdî encamên şewatê zelal dibin, zirar û ziyan zêdetir diyar dibe. Niha diyar bû ku di vê şewatê de mala derhênerê yewnanî yê navdar Theo Angelopoulos şewitiye.
Angelopoulos di sala 1935'an de hatibû dinê û di 2012'yan de di encama cezayê de miribû. Angelopoulos Xelata Palmiyeya Zêrîn jî di nav de gelek xelat girtibûn, bi fîlmên xwe li dinyayê navdar bûbû. Mala wî jî li cihê şewat lê ketibû bû. Jina wî Phoebe Economopulos li ser meseleyê wisa got: "Mal bi temamî şewitî. Pirtûkên mêrê mên şewitîn. Nameyên ku ji kesên nas hatibûn, pirtûkên nivîskaran ji bo wî şandibûn hemû şewitîn. Hemû milkê wî yê fikrî û nivîsên wî têk çûn."

**

Nûçeya Eleqedar:

- Hejmara miriyan derket 80'yî