Diyarname
Berhemeke dîrokî ku dibêjin aîdê Împaratoriya Ahamenîş e û dîroka wê berhemê digihîje 2 hezar û 500 sal berê 82 sal berê li Îranê hatibû dizîn. Berhem li par di meha kewçêre de li fûareke hunerê hatibû pêşkêş kirin û wê çaxê Dozgeriya Herêma Manhattana DYA'yê (Dewletên Yekbûyî yên Amerîkayê) firotina wê dabû rawqestandin û dest danibû ser. Niha Dadgeha Bilind a New Yorkê biryar da ku vê berhema dîrokî bi paş ve bişînin Îranê.
Li ser vê yekê New York Timesê nûçeyeke weşand û got ku ev rolyefa serî mihafizek persî nîşan dide ku dîroka vê diçe 2 hezar û 500 sal berê.
Dozgerî gotiye ku ev berhem di sala 1936'an de yekem car li bajarê Persepolîsa Îranê hatiye dizîn, paşê di sala 2011'an de ji Muçeya Hunerên Bedew a Montrealê hatiye dizîn.
Li gor nûçeyê Rupert Wace ku li Londonê dijî ligel şirîkê xwe Sam Fogg îdîa dikin ku ev berhem ji kompaniya sîgortayê kirîne lê dozgerî di encama lêkolînê de biryar daye ku ev berhem malê diziyê ye. Di encama muzakereyên di navbera dozgerî, Wace û Fogg de gihîştine wê encamê ku bi 1,2 mîlyon dolarî her du kes berhemê teslîmê dozgerî bikin.
Dadgeha New Yorkê jî gotiye ku ji ber di sala 1936'an de yekem car ji Îranê hatiye dizîn, ewê bi paş ve bişînin Îranê.