Ferho, bûyerên piştî damezrandina Komara Tirkiyeyê û Şerê Cîhanê yê 2'eyîn û her wiha serdema Îsmet Înonu kiriye bingeh di heman demê de li ser nasyonalîzma dewleta tirk bûyerên xwe honandiye. Bi taybetî serdema salên 1945-1948’ê wekî Şane Îsmet di nava romanê de hatiye hunandin.

Medenî Ferho kî ye?

Medeni Ferho sala 1947'an li gundê Mizîzexê tê dinê, dibistanên serete, navendî, dibistana mamostayan û lîse li heremên temam kiriye. Di dema mamostetiyê de, di nava damezrênerên Sendikaya Mamostayên Tirkiyê (TOS) de cih girt û rêvebiriya karên rêxistiniyê kir.

Wî di sala 1973'yan de li Stenbolê, di rojnameya Cumhuriyetê de dest bi karê rojnamegeriyê kir, di heman salê de xelata heypeyvinê ya Komela Arîkarî û Desteka Gundên Tirkiyê li Stenbolê stand.

Bi rojnamegeriyê re dest bi xwendina Zanîngeha Aborî kir û weşanxaneya ABeCe damezrand. Di heman demê de, di nava damezranên Sendikaya Nivîskarên Tirkiyê (TYS) de cih girt. Medenî Ferho di salên 1963-1964'an de di rojnameyên herêmê, Amed -Diyarbakirin Sesî û Mucadele de, li Mêrdinê rojnameya Mardînin Sesî, li Midyadê Turan Şehîr de dest bi nivîskariyê kir. Di salên 1970-1971 ê de nivîs û helbestên wî di rojname û kovarên Stenbolê wekî Cumhuriyet, Demokrat, Varlik de hatin weşandin. 2 pirtûkên wî, Kaytan Osman û Topragin Turkusu di heman salan de hatin weşandin.

Bi hatina darbeya eskerî ya 12'ê Rezbera1980'yan re di 12'ê kewçêrê de hate girtin, piştî hefteyekê serbest hat berdan, lê di 27'ê kewçêrê de car din hate girtin û heft salan girtî ma. Ferho piştî berdana girtîgehê zêdetir bala xwe dide ser kurdî û êdî dest ji tirkî dikişîne.

Nivîskar û rojnameger Medenî Ferho di rojnameya Azadiya Welat de qunciknivîskarî, di MED TV, Roj TV û Radyoya Dengê Mezopotamya de kar kir/dike.

Hin pirtûkên wî:

- Topragin Turkusu (helbest, tirkî, bi zimanê holandî jî hatiye weşandin)
- Kaytan Osman (çîrok, tirkî)
- Mapusluk Gerçegim (helbest, tirkî)
- Beranê Kozî (çîrok)
- Mîrza Meheme (roman, Weşanên Nûdem, 1995)
- Berxwedan Jiyan e (roman, 1994)
- Hey Gerîla (helbest)
- Hades Îş Başmda (roman, tirkî, Weşanên Kora, 1995)
- Xaltîka Zeyno (roman, Weşanên Doz, 1998)
- Marê di tûr de (roman, Weşanên Pêrî, 1999)
- Banga Hawarê (helbest, Weşanên Perî)
- Rojbaş heval Qendîl (Gername/çavdêrî, Weşanên Do, 2009)
- Çîroka me (Roman, Weşanên Do, 2009)
- Çîroka me / Medenî Ferho / Weşanên Do / 647 rûpel

***

Nûçeyên eleqedar:

- Ji DO'yê du pirtûkên din

- Medenî Ferho: Afirgeriya pirtûkan, her dem, di nava malbatê de bûye prisgirêk

- Ji Sêbareya Mêrdînê "Bavfileh" jî derket

- Ji Sêbareya Mêrdînê "Qerebafon" derket

- Ji Doyê sê pirtûkên nû