Diyarname

Tora têkiliyên civakî Facebook di 6 salan de gihîşt 400 mîlyon bikarhênerî û bû malpera duyem ku herî zêde tê bikaranîn.

Li ser rûyê dinê ji her deh kesan kesekî vê malperê bikar tîne. Malper di asta malperên ku herî zêde dikevinê de jî derket asta diduyan.

Malper îsal şeşemîn sala xwe pîroz dike. Ji avrêla 2009’an heta niha hejmara malperê bikarhênerên xwe derxist du qatî. Li gor agahiyên şîrketê di meha berfanbara 2009’an de hejmara bikarhênerên wan 350 mîlyon kes bû. Avakarê malperê Mark Zuckerberg ragihand ku di salvegerê de ji bo em xwe bigihînin 400 mîlyon kesî emê pîrozbahiyeke baş bikin; emê xizmeta ji bo mirovan zêdetir bikin.

Facebook di reşemiya 2004’an de ji aliy3e sê ciwanên DYA’yî (Dewletên Yekbûyî yên Amerîkayê) ve hate avakirin. Xwendekarên Zanîngeha Harvardê Mark Zuckerberg, Dustin Moscovitz û Chris Hughes ji bo bi hevalên xwe re têkiliyê deynin malper ava kirin lê îro li navenda malperê ya li Palo Alto ya Kalîforniyayê bi sedan kes dixebitin.