DiyarName.Com

Li ser “Mîrname”yê “şêwira xwendinê”

Komek kurdîhez li Seyr-î Meselê bi navê “Şêwira Xwendina Edebiyata Kurdî” çalakiyeke li dar dixin. Vê carê şêwira xwendi

DiyarnameKomek kurdîhez li Seyr-î Meselê bi navê “Şêwira Xwendina Edebiyata Kurdî” çalakiyeke li dar dixin. Vê carê şêwira xwendinê dê li ser romana “Mîrname” be. “Şêwira xwendinê” bi romana “Erebê Şemo” ya bi navê “Şivanê Kurmanca” dest pê kiribû û vê hefteyê bi romana nivîskarê me Jan Dost “Mîrname”yê didome. Komek wêjehezên kurd li Seyr-î Meselê vê şêwra xwendinê li dar dixin, di vê şêwrê de li ser berhemên ku girtine dest nirxandinên xwe dikin. Koma ku vê çalakiyê amade dike li ser wisa dibêje, “Di vê bernameyê de pispor nîn e; her xwendevan pisporê xwendina xwe ye. Di der heqê berhem û mijarê de her xwendevan dikare hest û ramanên xwe bêje û binirxîne. Di çarçoveya pîvanên hurmetê de her tişt dikare were gotin, bilêvkirin û nîqaşkirin. Bi van mijar û berheman re dê xwendevan, xwe di nava lîteratura kurdî de bibîne û binirxîne.” Bernameya vê hefteyê:Mijar: Rewşa xwendavanên kurdî û romanên kurdî yên modernBerhem: Jan Dost, Mîrname (Avesta, 2008)Dema civînê : 12.02.2010 (în)Saet : 17:00Ciyê Civînê : Seyr-î MeselNavnîşan : İstiklal Cd. İmam Adnan-Nane Sk. No: 5/4 Beyoglu/İstanbulTel : 0 212 244 97 89