Diyarname
Koma alîgirên Beşîktaşsporê bi navê Çarşi ku li dinyayê navdar e niha bû xwedî kanaleke TV'yê. Çarşiyê bi navê Forza TV kanaleke televîzyonê vekir.

Koma Çarşi di sala 1982'yan de hate avakirin. Kom heta niha digel sporê carinan di warê siyasî, civakî de jî peyaman dide. Komê niha dest bi vekirina kanaleke televîzyonê kir. Kom dê ji teknolojiya Web TV sûde bigire û ji ber malpera www.forzabesiktas.com weşanê bike. Forza TV pêşî rojê çand saetan weşanê dike û dûre dê dema weşana xwe zêde bike.

Di weşana yekem a Forza TV de pêşkêşvanê Dogan TV Sporê Erdem Ulus û rêberê Çarşiyê Alen Markaryan bû.

Hate gotin ku kesên wekî Feridun Duzagaç, Cem Dizdar, Ridvan Akar, Faik Gurses, İbrahim Altinsay, Guntekin Onay û Adnan Dinçer piştgirî daye Forza TV'yê.

Forza TV di bernameya xwe ya 20.01.2010'an a saet 14.00-16.00'an de Cem Dizdar, Mesut Kanat û Zeki Demirkubuz dike mêvan.