Diyarname
Meha borî 38 dixtorên pratisyen ji bo li Şirnexê bixebitin hatin peywirdarkirin lê ji wan 5 kesî dest bi kar kir, dûre ji wan 3 hebî heman rojê îstîfa kir û tenê 2 dixtorî dest bi kar kir.

Li bajarên kurdan wekî gelek tiştî di warê dixtoran jî gelek pirsgirêk hene. Meha borî berpirsê Midûriyeta Tenduristiyê ya Şirnexê ji wezareta tenduristiyê daxwaza 13 pispor û 38 dixtorên pratîsyen kir. Wezaretê ev daxwaz anî cih û peywir da dixtoran. Ji 13 dixtoran tenê 4 hebî dest bi kar kir. Ji 38 pratîsyenî jî tenê 5'ê wan dest bi kar kir û 33'yê wan dest bi kar nekirin. Ji vê 5'î jî heman rojê sisêyan îstîfa kir. Li Şirnexê pêdiviya bi dixtoran zêde ye.
Li navçeyên Şirnexê Qilaban, Elk û Basan pêdiviya dixtoran zêdetir e. Li navçeyên wekî Cizîr, Silopî û Hezexê jî pêdivî bi zêdekirina dixtora heye.

Midûriyeta Tenduristiyê ya Şirnexê ji bo meha pêşiya me ku 30'emîn serdema peywirdarkirina dixtoran e daxwaza 64 pratîsyen û 50 dixtorên pispor kiriye.