Enqere
DTP'ê ji ber bûyerên di Newrozê de derketin û kesî jiyana xwe ji dest da xwest waliyên Sêrt, Culemêrg û Wanê ji peywirê bêne girtin.

Mebûsê Amedê yê DTP'ê Akin Bîrdal tevî hin mebûsên DTP'ê yên din li meclisê civîneke çapemeniyê li dar xist. Bîrdal di civînê de li ser bûyerên ku di Newrozê li Sêrt, Wan û Culemêrgê derketin sekinî, xwest waliyên wan deran ji peywirê bêne girtin. Bîrdal got ku ewê pirsnameyeke bidin meclisê û ewê li ser meseleyê heta dawî bisekinin. Her wipa digel ji peywirê girtinê Bîrdal xwest der barê van waliyan de doz jî bê vekirin.

Îro li Wanê jî Baroya Wanê  der barê Walî û Midûrê Emniyetê yê Wanê de serî li Dozgeriya Komarê ya Wanê da û xwest ew bêne darizandin.