ÊLIH 

Heyeta ji parêzerên baroyên Amed û Êlihê pêk dihat, piştî dîmenên hilweşîna şikeftên dîrokî yên Heskifê di çapemeniyê de belav bûn hatin Heskîfê û lekolîn kirin. Parêzeran ji Heskifê bang kir û xwest dîroka Heskifê ya 12 hezar salan nekin qurbana bendava 50 salan. 

Hikumeta Tirkiyeyê demek dirêj e li ser çemê Heskifê bendavê ava dike. Di çarçoveya xebatên avakirina bendavê de hem warê dîrokî talan dike û hem jî bi dînamêtan şikeftên dîrokî hildiweşîne. Şîrketên ku li Heskîfê bendavê çêdike di 14'ê gelawêjê de bi dînamîtan şikeft xera kirin. Piştî vê bûyerê parêzerên baroyên Amed û Êlihê heyetek ava kir û heyet hat Heskîfê, dest bi lêkolînan kir.

Heyet pêşî çû serdana esnafan, dûre çûn cihê bi dînamîtan teqandin. Paşê heyetê daxuyanî da. Li ser navê heyetê Serokê Baroya Amedê Ahmet Ozmen axivî û got: "Dîroka Heskifa 12 hezar salan nekin qurbana bendava 50 salan. Agahiyên ku me kom kirin mirovan pir xemgîn dikin. Teht û laten mezin bi dînamîtan parçe dikin. Me bi esnaf, welatî û gelê herêmê re hevdîtin çêkir. Welatî naxwazin cih û warên xwe terk bikin. Naxwazin cih û warên wan di bin avê de bimîne. Lê ji ber cih û warên wan hatiye îstimlaqkirin nikarin tiştekî bikin." 

Ozmen, got ku ji ber Heskîf di bin avê de dimîne, welatî ji neçarî diçin Hasankeyfa nû û wiha dom kir: "Li cihê ku berê lê dijîn û niha tê avakirin bi qasî çiya ferq heye. Heskef di dîroka mirovahiyê de mîrateya herî mezin e. Mîrateya şaristaniyan e. Dîroka wê ya 12 hezar salan heye. Bi dehan şaristanî hatin vir û çûn. Di cîhanê de mînaka vir tune ye. Lê dîroka 12 hezar salan a Heskifê dikin qurbana benda 50 salan. Ligel cihê tên xerakirin 400 şûnwarên din jî tên xerakirin. Di her şûnwarî (Hoyik) de dîrokek heye. Li şûna ku dewlet van şûnwaran lêkolîn bike û dîrokê ronî bike, vê dîrokê di bin avê de dihêle û tarî dike." 

Ozmen xwest her kes li dijî xerakirina Heskifê bi wan re di nava şêwirmendiyê de be.

Heyet piştî daxuyanî ji bo hevdîtina ligel Waliyê Êlihê çû bajêr.

**

Nûçeyê eleqedar:

- Li Heskîfê pergala binesaziyê a 3 hezar salî hat dîtin 

- Bi dînamîtan Heskîfê xira dikin