Diyarname
Federasyona Fûtbolê ya Tirkiyeyê (TFF) piştî Fatih Terim qewirand îro ligel teknîk dîrektorê ji Romanyayê Mircea Lucescu li hev kir û tîm teslîmî wî kir.
TFF bi 2+1 ligel Lucescu li hev kir. Li gor peymanê Lucescu dê salê 2,5 mîlyon Euro pere kar bike. Roja înê saet 14.30 de dê merasima îmzeavêtinê li dar bikeve.
Tîma Neteweyî ya Tirkiyeyê niha di Koma I ya Hevtêkbirinên Kûpaya Dinyayê de de ye. Di meha rezberê de dê ligel Ûkrayna û Hirvatistanê bilîze. Di meha kewçêrê de jî ligel Îzlanda û Fînlandiyayê bilîze. Di nav komê de Hirvatistan bi 13 pûanan yekemîn, Îzlanda bi 13 pûanan di rêza duyemîn de ye. Tirkiye û Ûkrayna xwedî 11 pûanan in. Dûre Finlandiya û Kosova tên ku tu hêviya wan nîn e. Yekemîn raste rast ji komê derdikeve, di nav koman de duyemînên herî serketî diçin Kûpaya Cîhanê û yên din vedigerin malên xwe. Dema em bi vî awayî lê binêrin rewşa Tirkiyeyê zêde ne baş e. Mircea Lucescu dê çi bike ne diyar e, lê karî wî ne hêsan e. Lucescu di navbera 2000-2004'an de li Tirkiyeyê Galatasaray bi rê ve bir û ew kir şampiyon. Paşê ew qewirandin û Lucescu çû Beşîktaşê. Di serdema 2002-2004'an de Lucescu carek Beşîktaş kir şampiyon, lê di sala dawî de bi dek û dolaban şampiyonî ji dest çû. Li ser vê Lucescu ji Tirkiyeyê çû.
Lucescu ku çû Rusyayê tîma Shaktor Donetks bi rê ve bir. Di 10 salên vî karî de 7 caran ew kir şampiyon û her wiha Kûpaya UEFA'yê jî bi dest xist. Paşê çû ser Zenitê lê ji ber ku lîg bi sêyemînî bi dawî kir ew hat qewirandin.