Diyarname
Qeleparêz Jordan Pickford ji Sunderlandê ji bo Evertonê hat transferkirin. Lê ev ne transferek ji rêzê bû ji ber ku bi 34 mîlyon Euroyî ew bû qeleparêzê herî buha di Lîga Premier de. Û bi vê pereyê jî di dinyayê bû sêyemîn qeleparêzê ku herî zêde pere digire.
Jordan Pickford 23 salî ye û niha qeleparêzê Tîma Neteweyî ya Îngilistanê yê U-21 e. Wî heta niha 31 caran di Premier Lîgê de lîst. Ewê ji Evertonê 28 mîlyon Euro bigire, ligel bonûsan ev reqem derdikeve 34 mîlyon Euroyî.

Rekor di destê Buffonê de ye
Berî  Jordan Pickford li dinyayê du qeleparêzên din hene ku herî zêde pere girtine. Gianluigi Buffon 16 sal berê ji Parmayê bi 53 mîlyon Euroyê transferê Juventusê bûbû û niha reqor di destê wî de ye. Piştî wî Ederson tê ku ew serê vê mehê ji Benfîcayê ji bo Manchester City bi 40 mîlyon Euroyî transfer bûbû.
Di dîroka Brîtanyayê de qeleparêz Fraser Forster bi 12.5 mîlyon Euroyî ji Celticê ji bo Southamptonê hatibû transferkirin û qeleparêzê herî buha bû. Niha qeleparêz Jordan Pickford ev rekor ji destê wî girt.