Diyarname
Beşîktaş berî lîg bi dawî bibe bi hefteyek li Entabê 4-0 bi ser ket û şampiyoniya xwe ragihand. Bi vê yekê bû 15 car Beşîktaş dibe û şampiyon û êdî stêrka sêyemîn jî li formaya xwe dixe.

Maça Beşîktaşê îro li Entabê bû. Gaziantep Spor ji bilî ve di rêza duyemîn de ye û ji Lîga Super ketibû. Ev maçên Gaziantep Sporê êdî formalîte ne. Beşîktaşî îro li Entabê 3 pûan bigirta dê şampiyonî ragihanda û wisa çêbû jî.
Beşîktaş di deqîqeya 6'an de bi Ryan Babel derket pêş, paşê di 39'an de bi Oguzhan Ozyakup 2-0 bi dest xist û nîveka yekemîn wisa bi dawî bû. Di nîveka duyemîn de Talisca derket holê, di deqîqeya 66 û 76'an de du gol avêt û maç bi 4-0 bi dawî bû. Bi vê encamê Beşîktaş gihîşt 74 pûanan û bû şampiyon. Başakşehîr bi 70 pûanan di rêza duyemîn de ye.

Kîjan salan stêrk girt?
Beşîktaş bi vê şampiyoniyê bû 15 caran dibe şampiyon. Di tîmên fûtbolê de her tîma ku 5 caran bibe şampiyon stêrkek bi formaya xwe ve dike. Beşîktaşî niha stêrka 3'yemîn bi dest xist. Beşîktaş di sala 1986'an de cara 5'an, di sala 2002'yan de cara 10'an bûbû şampiyon û stêrk li formayên xwe xistibû û îsal, di sala 2017'an de bû xwedî stêrka 3'yemîn.
Beşîktaşî heta niha di 33 maçan de 69 gol avêtin, 30 gol jî xwarin.
Ev du sal in Beşîktaş li ser hev dibe şampiyon. Teknîk dîrektorê Beşîktaşê Şenol Guneş ku ev du sal in li ser kar e her du salan jî Beşîktaş kir şampiyon. Ev yek di dîroka Guneş de jî nûbûnek e ji ber ku ew bû du caran ew jî dibe şampiyon.
Bi vê şampiyoniyê Beşîktaş sala bê raste rast dê here nav tîmên Lîga Şampiyonan û ji nav Maçên Koman dest pê bike.