Diyarname
Di fînalê basketbolî yê Euro Lîgê de îro Fenerbahçe û Olympiakos li Stada Sînan Erdem a Stenbolê hatin hemberî hev. Fenerbahçeyê bi 80-64 maç bi dest xist û bû Şampiyonê Ewropa. Fenerbahçe ku par jî derketibû fînalê lê di fînalê de têk çûbû di dîroka xwe de yekem car dibe Şampiyonê Lîga Ewropa.
Di peryoda yekemîn de bi 26-18, di peryoda duyemîn de 39-34, di peryoda sêyemîn de jî Fenerbahçe bi 60-48'î serketî bû û di peryoda çaremîn de şampiyoniya xwe ragihand.
Ji tîmên basketbolê yên mêran heta niha tenê Anadolu Efes carek bûbû Şampiyonê Ewropayê û niha Fenerbahçe bû şampiyon.
12 hezar temaşevanî li maçê temaşe dikir di stadê de. Fenerbahçeyê bi dehan bajarên Tirkiyeyê li qadan ekran çêkiribûn û hezkiriyên Fenerbahçeyê ji wir li maçê temaşe dikirin.
Obradovîç her vê yekê dike
Koçê Fenerbahçeyê Zeljko Obradovîç heta niha ligel gelek tîman tam 8 caran bûbû şampiyon. Koç Obradovîç bi vê maçê derket 500'emîn maça xwe ya li Ewropayê û bi vê 500'emîn maçê carek din, yanê 9'emîn car bû şampiyon. Obradovîç di sala 1992'ya de dest bi koçîtî (antrenorî) kiribû û di 500 maçan de 352 serketin, 148 têkçûn dêtiye.
Serokê Klûba Fenerbahçeyê Aziz Yildirim îsal ji bo basketbolê gavên mezin avêt ku yekem gav ew bû ku çû Obradovîç anî Tirkiyeyê ku kes ne li benda vê yekê bû. Bi vê re hedefa şampiyoniya Ewropa girt ber xwe û di dawiyê de ev bi dest xist jî.
KUNYE:
Salon: Sinan Erdem/Stenbol
Hakêm: Daniel Hierrezuelo (Spanya), Borys Ryzhyk (Ûkrayna), Olegs Latisevs (Letonya)
Fenerbahçe: Ali Muhammed 8, Bogdanovic 17, Kalinic 17, Udoh 10, Vesely 8, Nunnally 2, Sloukas 3, Datome 11, Antic 4, Melih Mahmutoglu, Ahmet Düverioğlu, Bennett
Olympiakos: Spanoulis 9, Mantzaris 9, Birch 14, Printezis 7, Papanikolaou 3, Milutinov 10, Agravanis, Green 7, Waters 2, Papapetrou, Young, Toliopoulos 3