Diyarname

Tîma Tirkiyeyê Beşîktaş ku duh êvarê li mala xwe Olympiakos bi 4-1 têk bir û derbasî çarîk fînalê bû, îro di pişkeya ji bo maçên çarîk fînalê de tîma Fransayê Olimpik Lyon bû reqîbê Beşîktaşê.

Ji bo Lyonê çi gotin?

Duyemîn Serokê Beşîktaşê Ahmet Nur Çebî li ser pişkeyê wisa got: "Lyon miheqeq dibêje 'ji nav hemûyan Beşîktaş derket?' Ew jî ne kêfxweş in ji bo vê pişkeyê. Dê pêşfînal bê lîstin. Ez ne reşbîn im, Beşîktaş tîmek xurt e. Du tîmên herî baş derketin pêşberî hev. Temaşevanên me dê maçek bi zewq a ligel Lyonê temaşe bikin."

Şirovekarê NTV Sporê Guntekîn Onay li ser meseleyê wisa got: "Lyon tîmek gelek li ser xwe ye. Ger sibê Beşîktaşî ligel Lyonê bilîsta min dê bigota tu siûda serketina Beşîktaşê nîn e lê maç di meha avrêlê de ye û heta wê çaxê di çi biqewime ez nizanim. Tîmên tirk li hemberî tîmên Fransayê bi siûd in."

Maça yekemîn dê roja 13'yê avrêla 2017'an li Lyonê bê lîstin. Maça duyem li Stenbolê.

Çend gotin li ser Lyon û Beşîktaşê

Lyon yek ji tîmên mezin ên Fransayê ye.

Di Lîga 1'em a Fransayê de niha di rêza 4'an de ye. Teknîk Dîrektorê Lyonê Bruno Genesio ye. Buhaya tîm 170 mîlyon û 200 hezar Euro ye. Ew maçên xwe di Stade des Lumieres (Stada Lyon) ku cihê 59 hezar û 186 kes lêye de dilîzin. 

Lyon di Komên Maçên Şampiyonan a Ewropayê de lîst, di nav komê de bû sêyemîn û hat nava maçên Lîga Ewropa ya UEFA'yê. Di Dora 2'yem de ligel Az Alkmar (maça yekem bi 4-1 maça duyem bi 7-1 bi ser ket) lîst. Di Dora 3'yem de jî li hemberî Roma lîst ku maça yekem li Romayê 2-1 têk çû, di maça duyem de li mala xwe bi 4-2 bi ser ket û hat çarîk fînalê.

Beramberî vê Beşîktaş ku Şenol Guneş bi rê ve dibe buhaya tîm 139 mîlyon û 550 hezar Euro ye. Stada Beşîktaşê cihê 41 hezar û 903 kesan lê heye.

Bekîştaş di Lîga Super a Tirkiyeyê de yekemîn e niha.

Di pîşkeyê de tîmên din bi vî awayî bûn reqîbên hev:

- Manchester United  - Anderlecht 

- Celta Vigo - Genk 

- Ajaks - Schalke 04

- Beşiktaş  - Lyon