Diyarname
Li fûara ku weşanxaneyên kurd lê nîn bin çawa nûçeyek wisa, "pirtûkên kurdî jî di pêşangehê de rastî eleqeyeke mezin hatin" tê çêkirin?
Em qala Fûara Pirtûkan a CNR dikin ku li Stenbolê roja 24'ê vê mehê vebû. Di fûarê de piranî weşanxaneyên oldar hene, îsal 4'emîn car e vedibe. Di fûarê de yek bi tenê jî weşanxaneyên kurd nîn e. Ji ber ku xwendevanên kurdî zêde bi wir de naçin weşanxaneyên kurd jî vê fûarê tercih nakin.
Em niha bên ser pirsa xwe: K24 (Kurdistan24) roja 25'ê mehê li ser fuarê nûçeyek çêkiriye. Tê zanîn K24 yek ji tora medya ya Başûr a mezin e. Di nûçeyê de wisa gotiye: "Di pêşangehê de herî zêde pirtûkên derbarê Rojhilata Naverast, DAÎŞ û yên di derbarê serokê nû yê Emerîkayê Donald Trump de eleqe dîtin. Di gel wan, pirtûkên Kurdî jî di fuarê de rastî eleqeyeke mezin hatin."
Û niha em pirsa xwe dubare bikin: "Di fûara ku yek ji weşanxaneyên kurd lê nîn bin de çawa pirtûkên kurdî jî eleqe dibînin?"
Wekî notek: Li Tirkiyeyê û Bakur li dor 20 weşanxaneyên kurd hene. Gelek ji van beşdarî Fûara Pirtûkan a TUYAP'ê dibin. Lê Fûara CNR îsal ji ev weşanxaneyan kes beşdar nebûye. Par Weşanên Ava, salên borî Nûbihar jî beşdar bûbû, lê ji ber bala xwendevanên kurd ne li ser vê fûarê ye îsal ew jî beşdar nebûn.