Diyarname
Ji sala 1993’yan de Roja Helbesta Kurdî ji bo bîranîna Cegerxwîn li dar dikeve. Îsal ji bo çalakiyê pêşî dê komîte bê hilbijartin.

Li ser vê yekê Komîteya Amadekar a Roja Helbesta Kurdî ya 2008’an bangek ji bo civînê kir. Komîte di banga xwe de dibêje “Me komîta amadekar a Roja Helbesta Kurdî 2008 an, wek erkekî rewşenbîrane dît ku em bang li helbestvan û nivîskarên kurd yên Rojavayê Kurdistanê bikin, da ku em karibin bi hev re, careke din Roja Helbesta Kurdî vejînin.”
Armanca vê komcivîna ku dê komîte li dar bixe ew e ku komîta amadekar a Roja Helbesta Kurdî 2009’an hilbijêre ku ev komîte amadehiyên li dar xistina Roja Helbesta Kurdî bike. Ger div ê civînê de komîteyeke nû neyê hilbijartin komîteya par dê karê xwe bidomîne.

Komîteyê di banga xwe de wisa got: “Wekî em dizanin ku ji sala 1993’an de, roja 22 a meha 10’an, ango roja koçkirina helbestvanê mezin Cegerxwîn ji bo roja vejîna helbesta kurdî li Rojavayê Kurdistanê hatiye destnîşankirin. Em jî wekî helbestvanên derveyî welêt dixwazin vê rojê bidomînin. Hêviya me ji helbestvan û nivîskarên kurd heye ku di vê civînê de cih bigrin.”

Roja civînê: 23. 08. 2009.
Katjimar 13,00
Cih: Komela Hêvî. Born Str. 18. 44145 Dortmund
Ji bo pirs, an têkildariyê: 01748640820 - 017661945609