Diyarname

Piştî hikumetê bi kayyûmê dest danî ser Şaredariya Bajarê Mezin a Amedê îro jî Hevşerader Ahmet Turk hat binçavkirin.

Hevşaredarê Mêrdinê Ahmet Turk li mala xwe hat birçavkirin û li mal lêgerîn hat kirin. Dîsa Hevşaredarê Artuklu Emin Irmak û Leyla Sevinç jî li şaredarî hatin binçavkirin.
Ligel van Sekreterê Giştî yê Şaredariya Bajarê Mezin a Mêrdînê Baran Îlhan jÎ ligel hinên din hatiye binçavkirin. Kesên binçavkirî birine Midûriyeta Emniyeta Mêrdînê.

Rûsipiyê siyaseta kurdî 

Rûsipiyê siyaseta kurdan Ahmet Turk di sala 1942'yan de li Dêrikê hatiye dinê. 6 caran ji bo mebûsî hatiye hilbijartin ku pêşî di sala 1973'Yan de ji Demokrat Partî hatibû hilbijartin. Paşê derbasî CHP'ê bûbû. Dema SHP'ê de jî bû mebûs lê ji ber beşdarî Konferansa Kurd a li Parîsê bû ji partiyê hat avêtin. Wî ligel hin hevalên xw eyên din di sala 1990'î de HEP (Partiya Keda Gel) ava kir. Li ser girtina vê partiyê ew d erbasî DEP'ê bûn, di 2'yê adara 1994'an de derbe li hemberî wan çêbûn. Turk jî di nav de gelek mebûsên DEP'ê hatin tewqîfkirin. AHmet Turk paşê di HADEP, DEHAP, DTP, HDP'ê de cih girt, serokatiya partiyan kir. Di vê demê de 5 salan cezayê qedexeya siyasetê lê hat birîn, ligel vê jî ew wekî namzetek kurd bi awayekî serbixwe hat hilbijartin û bû mebûs; bi dawîbûna cezayê re dîsa ket nav partiyê. Ahmet Turk di hilbijartina şaredariyan a sala 2014'an de ligel Februniye Akyol wekî Hevşaredarê Bajarê Mezin ê Mêrdinê hat hilbijartin.