Diyarname

Yek ji xebata hunerî ya navdar Contemporary Îstanbul îsal di navbera 3-6'ê vê mehê de li dar ket û rastî eleqeyek gelek mezin hat. Di 5 rojan de 90 hezar kes çû serdana pêşangehan. Îsal 11'emîn car hat lidarxistin û ji 20 welatan 70 galerî, 520 hunermend, 1500 berhem derketin pêşberî hunerhezan. 

Di pêşangehê de berhema Jaume Plensa "White Forest” (Daristana Spî) bi 280 hezar Euro; berhema JanisKounellis (di Galeri Artist hat pêşkêşkirin) ”Untitled” bi 220 hezar Euro, berhema Gulay Semercioglu (di Pi Artworks de hat pêşkêşkirin) “A Sip of Water” bi 50 hezar Dolarî; berhema Niloufar Banisadr (di Galerie 55 Bellechasse de hat pêşkêşkirin) “Voilesauxvents” bi 25 hezar Euro; berhema Son Seock (di Galerie Mark Hachem de hat pêşkêş kirin) “25-RHNO” bi 38 hezar Euro; berhema Stiller “Matchstickman” bi 130 hezar Euro û berhema Christiaan Lieverse (di  Villa del Arte Galleries de hat pêşkêşkirin) “Labiatae” bi 38 hezar Euro hat firotin.

Di vê pêşangehê de bi temamî bi buhaya 56 mîlyon dolar tablo hatin firotin. Berhema Jaume Plensa a bi navê "White Forest" (Daristana Spî) bi 280 hezar Euroyî hat firotin.

Xebata hunerî Contemporary Îstanbul her sal di meha sermawezê de li dar dikeve, ji sala 2017'an ve wêdetir ligel Bîenala Stenbolê dê şirîkatî bike û bi hev re li dar bikeve. Li gor agahiya amadekarên Contemporary sala bê dê 12'yê rezberê de bê vekirin.

**

Nûçeya eleqedar:

- Contemporary 1500 berheman pêşkêş dike