Diyarname

Karsaz İshak Alaton ku di sala 1927'an de li Stenbolê hat dinê îro wefat kir. Alatom bi gotinên li ser kurdan bal kişandibû.

Alatom ku di salên 90'î de di rêveberiya TUSÎAD'ê de jî cih girtibû di sala 2011'an de li Zanîngeha Bîlgî beşdarî konferasa "Sazkirina Aştiyê" bû û axivî. Di konferansa ku Leyla Zana jî wekî axifger lê amade bû de wisa gotibû: "Berê peyva Kurdistan nedihat bikaranîn, îro divê lêkolîn bê kirin, divê referandûm bê kirin ku kurd dixwazin veqetin yan na. Welatên wekî Kanada, Skoçya û Îngilistanê serî li vê rêyê dane. Bi lêkolînek wisa hem kurd, hem em tirk emê bibînin ku kurd dixwazin veqetin an na. Ev yek dê li hemberî yên şîdetê bikartînin me xurtir bikin. Welatên ev yek kirine di nav hizûrê de dijîn. Mînak herêma Quebec a li Kanadayê kesên dixwazin cuda bibin gelek kêm in."

Alaton li ser Ocalan û hilbijartinê jî wisa gotibû, "Divê benda hilbijartinê bê daxistin û tenê dengek mirovên li herêmê jî ziyan nebe li meclisê bê temsîlkirin. Bi lihevkirineke neteweyî divê rewşa Ocalan bê zelalkirin. Ger bi dilê kurdan be dikare ji bo Ocalan girtîgeha malê jî bê sazkirin. Meclisê divê gel ji bo vî fikrî amade bike."

Karsaz Alaton li ser meseleya çekdarî jî wisa gotibû, "Bi awayekî eşkere bibêjim bi çek pirsgirêka kurd heta îro hatiye. Ez vê dizanim. Lê ji niha û pêde zêdetir nikare bi dest bixe. Şert e ku dest ji çekan berdin. Her ku şîdet bidome tiştên bi dest xistine jî dê winda bikin."

Alatonê li ser demokrasiya Tirkiyeyê jî di jiyana xwe de gelek tişt digot, heta pola 8'an li dibistana Şişli Terakki û li Saint Michel xwendiye. Alaton ji bo li malbata xwe binêre di şîrketa Mehmet Kavala de karên birin û anînê kir û bi rêya şîrketa ku Volvo îthal kiriye danasîna wî ligel Konsolosê Swêdê çêbû. Bi vê siûdê wî vebû û li Swêdê di fabrîkeyeke lokomotîfê de dest bi karê qeynaxkirinê kir.

Van salan, Swêdê, rewşa demokrasiya sosyal a vê derê bandor li Alaton kir. Wî Swêda ku hurmetê nîşanî mafên mirovan dide, hevkêşeya dahatuya mirovan saz dike, Swêda ku di nav welatên dinyayê de yek ji welatên baş e baş nas kir û bû heyranê vî welatî. Di salên pêşiya wî de ev yek dê bandorê li jiyana wî bikira.

Ew di 28 saliya xwe de vegeriya Tirkiyeyê û ligel Uzeyîr Garih li Kolana Bankeyan a Beyogluya Stenbolê li Xana Vefai di odeyek de kargehek (sal 1954) vekir. Bi vî awayî bingeha Alarko Holding hat avêtin. Di sala 2000'î de Alarko Holding ku 46 saliya xwe pîroz kir xwedî 6 hezar karkeran bû.

Alaton yek ji avakarên Weqfa Etudên Aborî û Civakî ya Tirkiyeyê (TESEV) û Weqfa Civaka Vekirî ye. Wî di navbera salên 1998-2012'yan de Serbalyozgeriya Fexrî ya Stenbolê ya Afrîkaya Başûr kir. Alaton ji Swêdê "Nîşana Stêrka Bakur a Pola Yekemîn" û ji Spanyayê "Nîşana Lîyakatê ya Sivîl a Qraliyetê" girt.

Îshak Alaton Serokê Lijneya Rêveber a Civaka Şîrketên Alatom bû, di 15'ê gulana 2016'an de ev kar dewrê Îzzet Garih kir. Alaton bav û şirîkê Leyla Alaton û Vedat Alaton bû.