ENQERE

Gelek saziyên sivîl, partiyên siyasî, rêxistinên pîşeyî, saziyên civaka sivîl jî heyî qasî 20 rêxistin di bin sîwanekî de li dijî "Eniya Mîllî" ya li Yenîkapiyê di pêşengtiya CHP, AKP û MHP'ê de kerket holê hatin gel hev û "Ji Bo Ked û Demokrasiyê Yekitiya Hêzê" ava kirin.

Gelek tevgerên wekî KESK, DÎSK, TMMOB û TTB'ê yên di qada kedê de xebatên xwe dimeşînin û daxwazên demokrasiya Tirkiyeyê tînin ziman, biryara hêza hevbeş girtin. Sendîka û saziyên pîşeyî li Enqereyê di Otela Alba de li hev civiyan, ji bo serdema nû nexşeriya xwe aşkera kirin. Di salona daxuyanya ku qasî 20 saziyan piştgirî danê de, pankarta "Em li dijî faşîzim, derbe û OHAL'ê hêza xwe dikin yek" hat daliqandin.

Di daxuyaniya hat dayîn de, Hevserokê HDP'ê Selahattîn Demîrtaş û berdevkên gelek saziyan jî tevli amade bûn.

Piştî axaftinên rêxistinên kedê, Serokê Giştiyê KESK'ê Lamî Ozgen daxuyanî xand. Ozgen destnîşan kir ku gelek saziyên ked, demokrasî û sivîl li dijî derbe, OHAL û faşîzmê hatine gel hev û deklerasyona Ji Bo Ked û Demokrasiyê Yekitiya Hêza parve kir.

'Yek jî hêza bingeha derbeyê ava kir AKP ye'

Ozgen piştrast kir ku ji ber pêkanînên neo-lîberal ên AKP'ê tirkiye li ber karesatê ye û bi vê polîtîkayê bingeha derbeyê hatiye avakirin, hêzeke ku bingeha derbeyê amadekiriye jî AKP bi xwe ye û ev tişt hat gotin: "Tepisandina derbeyê jî nayê wateya pergala guhertina wê pergalê. AKP'ê derbe wekî hincet da nîşan û nêzikatiya xwe ya otorîter hêj zêde kir."

Ozgen destnîşan kir ku hêzên ked û demokrasiyê yên li dijî derbeyê têkoşîn dane meşandin, helwesta wane li dijî derbeyan diyar e û wiha axivî: "Em baş dizanin ku dê bi têkoşîna hêzên ked, demokrasî, layîk, aştîxwaz û biratiyê ev derbe bê rawestandin. Ji bo em bi vê hişmendiyê xwedî li pêşeroja welatê xwe derkevin, em wekî hemû hêzên mijara gotinê hatine gel hev û me mil daye hev."

Saziyên di hevgirtina Ji Bo Ked û Demokrasiya Yekitiya Hêzê de hatine gel hev ev in:

Konfederasyona Sendîkayên Karkerên Şoreşger (DÎSK), Konfederasyona Sendîkayên Karkerên Cemaweriyê (KESK), Yekitiya Odeyên Endezyar û Mîmaran (TMMOB), Yekitiya Tabîbên Tirk (TTB), Partiya Herêmên Demokratîk (DBP), Partiya Şoreşger (DP), Partiya Kedê (EMEP), Partiya Tevgera Karkeran (EHP), Partiya Sosyalîstên Bindest (ESP), Partiya Demokratîk a Gelan (HDP), Partiya Kedkarên Sosyalîst (SEP), Partiya Ji Nûve Avakirina Sosyalîst (SYKP), Partiya Pêşeroja Çepgir û Keskan (YSGP), Kongreya Demokratîk a Gelan (HDK), Tevgera Tîrmehê (Hazîran Hareketî), Malêngel, Komeleya Mafên Mirovan (ÎHD), Weqfa Haci Bektaş-i Velî, Komeleya Çanda Pîr Sultan Abdal, Federasyona Elewiyên Bektaşî û Komeleya Elewiyên Demokratîk.

DÎHA