MÊRDÎN
Dewletê piştî xaniyan niha berê xwe daye parkên nav bajêr û wan jî xira dike. Heta niha 19 parkên ku Şaredariya Nisêbînê çêkiribûn hatin xirakirin.
Li navçeya Nisêbînê ya Mêrdînê hêzên dewletê piştî hilweşandina xaniyên welatiyan, niha jî parkên li Nisêbînê xera dike. Hêzên dewletê 19 parkên ku Şaredariya Nisêbînê ava kiribûn yek bi yek xera dike. Hêzên dewletê cafe, cihê lîstikên zarokan, qadên werzîşê, kaniyên avê û li gel daran qadên şînkahî lê hene bi giştî 19 park hilweşandin. Parkên Musa Anter, Cegerxwîn û Orhan Dogan ku ji bo gel xwedî nirx û pîroz in jî di nava parkên ku hatine hilweşandin de ne.
Parka ku di sala 2002-2003’yan de hatiye çêkirin û navê rewşenbîr Musa Anter lê kiribûn jî ji aliyê hêzên dewletê ve hat xerakirin. Hêzên dewletê ji bo ku deverên êrîş bibin ser baştir bibînin bi taybetî ev parq bijartine û ji ber êrîşên bi topan bi sedan darên li nav parkan jî zirar dîtine.