Diyarname

Cemiyeta Rojnamageran a Tirkiyeyê (TGC) Xelatên Çapemeniyê ya 2020'an ekere kir. Li gor daxuyaniya TGC'ê di warê "Şexs" de xelatê didir rojnameger û Gerînendeyê Weşanê yê rojnameya Evrenselê Fatih Polat û di warê "Sazî" de jî didin Rojnamegerên Betal.

TGC'ê ji sala 1989'an ve ji bo balê bikişêne ser zehmetiyên rojnamegeran vê xelatê dide. Îsal endamên lijneya diyarker de Serokê TYS'ê  Adnan Ozyalçiner, ji endamên bi qidem ê TGC'ê Altan Oymen, Serokê TGS'ê Gokhan Durmuş, Serokê TYB'ê Kenan Kocaturk, Cîgira Serokê Baroya Stenbolê Nazan Moroglu, Proga Zanîngeha Arelê Nurçay Turkoglu, Endama TGC'ê Semra Kardeşoglu, Sekretena Giştî ya TGC'ê Sibel Guneş, li ser navê kesên berê ev xelat bi dest xistine Tugrul Eryilmaz, Serokê TGC'ê Turgay Olcayto û Seroka PEN'a Tirkiyeyê Zeynep Oral hebûn. Jurî 10'ê vê mehê nirxandina xwe kir, gihîşt encamê û saziyê jî îro ev encam ragihand.

Li gor vê xelat dan Fatih Polat û ji bo wî wisa gotin: "Li Tirkiyeyê li hemberî mercên zehmet ên didin ber rojnamegeran jî wî di asta rêgezên gerdûnî de xebata xwe domandiye; ji bo xwedî li mafê agahîgirtina gel, demokrasî û gihandina azadiyê têkoşîn daye layiqê xelatê hatiye dîtin."

TGC'ê di warê "Sazî" de jî ji bo piştgiriya rojnamegerên betal mane ew hêjayî xelatê dîtin.

Rojnameger Fatih Polat piştî agahiyê ji ser hesabê xwe yê twitterê re wisa got: "Ez çiqas heq dikim nizanim lê min hem gelek şerm kir, hem jî gelek serbilind bûm. Sipas ji bo Cemiyetê û endamên juriyê."