Diyarname
Heta niha her ku komên şanoyê yên kurdî serî li şanogehên dewletê dan ku li salonên wan listikên xwe bilîzin bersivên neyînî girtin.

Niha tê gotin ku dê şanogehên dewletê deriyên xwe ji bo lîstikên bi kurdî vekin. Midûrê Giştî yê Şanogehên Dewletê (DT) Lemî Bîlgen, diyar kir ku ew dê bikaribin 44 sehneyên li 12 herêman ji bo komên taybet ên şanoyê yên bixwazin lîstikên bi kurdî bilîzin vekin.

Li gor daxuyaniya nivîskî ya Bîlgîn, şanoyên taybet dê bikaribin ji Şanogehên Dewletê bê pere fêde bibînin.

Bîlgîn, bal kişand ser Şanogeha Wan û Amedê û got: "Divê em cudatiyê nekin. Şanoyên taybet û komên şanoyê dikarin sûdê ji şanogehê me wergirin."

Mebûsê DTP'ê yê Sêrtê bi pirsnameyeke ji Wezîrê Çandê Ertugrul Gunay nêzîktêdayîna şanoya bi kurdî pirsî bû. Wezirê Çandê Ertugrul Gunay jî di bersiva xwe de bi awayekî erênî nêzî meseleyê bûbû.

Wekî notek: Herî dawî lîstika "Mirina Zimanekî" li Şaredariya Qonaxa Îzmîrê digel ku di bernameyê de hebû jî ji bernameyê hatibû derxistin û destûr nedabûn ku ew lîstika xwe bilîzin.