Diyarname

Enstîtuya Reutersê ku girêdayî Zanîngeha Oxfordê ye li ser çapemeniya Tirkiyeyê lêkolînek kir û diyar kir ku ji ber zordariya li ser çapemeniyê xwendekarên Tirkiyeyê berê xwe dane tora civakî û agahiyên xwe ji wir digirin.

Rapora Nûçeyan a Dîjîtal a 2016'an li 26 welatan bi ser 50 hezar kesên înternetê bikar tînin re hatiye kirin. Di beşa raporê ya Tirkiyeyê de wisa hatiye gotin: "Hikumeta tirk her ku diçe zordariya li ser çapemeniyê zêde dike û pêre jî tora civakî dibe platforma bidestxistina agahiyan."

Barewiya bi nûçe, rojnameger û saziyên çapemeniyê jî balkêş e ku di bin sedî 50'î re ye.

Vane hin daneyên ji raporê:

- Li gor çavkaniyê heftane yên xwe digihînin agahiyan sedî 90 ji înternetê (sedî 73'yê vê tora civakî), sedî 80 ji televîzyonê, sedî 54 ji rojnameyan û sedî 41 ji radyoyan agahiyên xwe digirin.

- Ji tora civakî sedî 63 Facebook tê, sedî 31 youtube, sedî 30 twitter, sedî 17 WhatsApp û sedî 12 Instagram tê.

- Di nav televîzyonan de sedî 60 Fox TV tê ku di rêza yekemîn de ye. Dûre bi sedî 49 Kanal D, sedî 47 CNN Turk û NTV, sedî 45 rojnameya Hurriyetê û sedî 40 ATV tê.

- Di çavkaniya înternetê de sedî 37 CNN Turk, sedî 36 Mynet, sedî 35 Hurriyet, sedî 33 NTV û sedî 31 Milliyet tê.

- Barewiya bi nûçe, rojnameger û saziyên çapemeniyê jî balkêş e ku di bin sedî 50'î re ye. Sedî 40 bi nûçeyan bawer in, sedî 34 bi rojnaemgeran bawer in, sedî 37 bi saziyên çapemeniyê bawer in.

- Tenê sedî 29 kes di wê baweriyê de ne ku çapemenî ne di bin zordariya siyasî de ye.