Diyarname

Di Meclisa Tirkiyeyê de bi dengên mebûsên AKP'ê zagonek nû hat derxistin li gor vê zagonê elektrîk qaçax bê bikaranîn jî, elektrîk ji ber erizeyan belawelat here jî pereyên wê dê ji aboneyan bê girtin.

Guhartina di Zagona Piyaseya Elektrîkê de li meclisê bi dengên AKP'yiyan hat qebûlkirin. Wezîrê Enerjiyê yê Tirkiyeyê Berat Albayrak sipasî li burokratan û AKP'yiyên deng dane kir û got: "Ji bo alîkariya bi wefakarî ya mebûsên me ez li çavên wan mêze dikim û sipasiya wan dikin. Emanetê Xwedê bin."

Li gor zagonê ji niha û Pêde berdêla elektrîkê winda-qaçax (Bo mînak hin elektrîk qaça bikar bînin, yan ji ber erizeyan elektrîk vala here), berdêla xwendina sayacê (jixwe ev karê wan e, lê dîsa heqê vê jî), berdêla pergala ragihandinê, berdêla belavkirina elektrîkê ev hemû dê di fatureyan de wekî buhayek nû li aboneyan bê zêdekirin.

Bi ser de şîrketên elektrîke dê li gor kêfa xwe bikaribin vê berdêlê diyar bikin û di fatureyan de pêşkêşî aboneyan bikin.

Piştî zagon bikeve jiyanê dê bi navê "tarîfeya belavkirinê" xalek nû di fatureyan de cih bigire û ev zêdetir wekî pere li wir cih bigiren. Abone mecbûr in vê pereyî bidin.

Heta niha aboneyan li hemberî şîrketên elekrîkê hin doz vekiribûn dadgehê biryar dabû ku 33 mîlyar lîra pere li aboneyan bê vegerindin lê li gor vê zagona nû ev yek jî dê bê betalkirin.