Diyarname

Xelk bi anketan gavan diavêje, li gor wê stratejiya xwe saz dike. Yek ji şîrketên anketan ku ji bo gelek mişteriyên xwe anketan saz dike jî Metropoll e. Serokê vê şîrketê Ozer Sencar got ku dengên HDP'ê sedî 11 e.

ÎZSÎAD (Komeleya Karsaz û Sanayîsazên Îzmîrê) her meh "Civînên Çarşemê" li dar dixe. Mêvanê vê civîna vê mehê Serokê Lijneya Rêveberiya Lêkolînên Siyasî û Stratejîk Metropoll Ozen Sancar bû. Li gor nûçeya thelira.com Sancar li ser serokdewletî, referandûm, hilbijartin, rewşa AKP, MHP û mijarên din de axiviye.

Vane ji gotinên Sancar hin not:

Serokdewletî

- Vê yekşemê hilbijartin çêbe yên ku ji bo pergala serokdewletî bibêjin erê sedî 41,9 dixuye, yên ku dibêjin na sedî 47,5 dixuye û sedî 10,5 dibêjin tu gotina min nîn e, yan jî bersiv nedane. Dema yên biryar nedane jî bê belavkirin sedî 53,1 ji bo serokdewletî dibêjin na.

Partî çi dibêjin?

Sedî 9,9'ê AKP'ê ji pergala serokdewletî re dibêjin na. Ji nav partiyan ji bilî AKP'ê herî zêde MHP'yî piştgirî didin serokdewletî ku ev rêje sedî 12,8 e. Sedî 6,7'ê CHP'yiyan, sedî 3,2'yê HDP'yiyan ji bo serokdewletî dibêjin erê.

Meselela 'Terorê'

Sedî 63,3'yê hilbijêran dibêjin pirsgirêka sereke 'teror' e, sedî 11,2 dibêjin 'aborî' ye. Sedî 10,1 azadî û demokrasiyê daxwaz dikin.

MHP

- Sedî 42'yê MHP'yiyan dixwazin Meral Akşener bibe seroka wan dûre Bahçeli bi 9,7 û yên din bi rêzê tên (Umit Ozdag, Sinan Ogan, Koray Aydin)

Îro hilbijartin çêbe

- Îro hilbijartin çêbe dengên AKP'ê li dor sedî 49,9 dixuyin. Yên CHP'ê sedî 24,1. MHP'ê sedî 13,8 û yên HDP'ê jî sedî dor 11'an dixuyin.