Diyarname

Beşîktaşê Osmanî bi 3-1 têk bir, pûanên xwe derxist 79'an û bû şampiyon. Vane hin îstatîstîkên li ser Beşîktaşê...

Serdema Lîga Super Toto a a 2015-2016'an a Tirkiyeyê de berî lîg bi  dawî bibe Beşîktaşî li mala xwe tîma Enqedeyê Osmanli spor bi 3-1 têk bir û bû şampiyon. Golen Beşîktaşê Marcelo (deqîqe 21 û 24), Gomez (48). Gola Osmanli Webo di deqîqeyla 74'an de avêt.

Vane hin îstatîstîk:

- Ev 4 sal in Beşîktaş dike ku stada xwe ji nû ve saz bike, encam îsal temam bû. Di van salên stad nîn bû de Beşîktaşê her maçên xwe li derve, her carê di stadeke de dilîst ku ev yek jî bi awayekî neyînî bandor lê dikir.

- Serokê Klûba Beşîktaşê Fikret Orman ev 4 sal in serok e, yekemîn car di bin serokatiya wî de tîma fûtbolê dibe şampiyon.

Di 33 maçên (maçek tenê maye) Beşîktaşê 74 gol avêtin û 33 heb xwarine.

14 şampiyonî

- Beşîktaş herî dawî 7 sal berê bûbû şampiyon. Piştî 7 salan  bû cara 14'an Beşîktaş dibe şampiyon. Salek din jî bibe şampiyon dê stêrka 3'yemîn li formaya xwe bixe.

- Heta niha di van salan de Beşîktaş bûye şampiyon: 1957, 1958, 1960, 1966, 1967, 1982, 1986, 1990, 1991, 1992, 1995, 2003, 2009, 2016

- Beşîktaşê 8 caran Kûpaya Serokomarî/Super Kûpa, 9 caran Kûpaya Tirkiyeyê bi dest xistiye.

Serketina li Ewropa

- Di Lîgên Ewropayê de serketineke mezin a Beşîktaşê nîn e, lê tenê 3'yemîniyek heye. Beşîtaş yekem car di sala 1957-58'an de bi maça ligel Olympiakosa Yewnanistanê dest bi vê rêwîtiyê kiriye. Di vê rêwîtiyê de dema teknîk dîrektor Mircea Lucescu bû di Kûpaya UEFA'yê de çarîk fînal lîst (sal 2002-03) ku ev dereceya herî mezin e di destê Beşîktaşê de. Tîm li Îtalyayê li hemberî Lazioyê têk çû.

- Di sala 2003-04'an de Beşîktaş derbasî Lîga Şampiyonan bû û di Maçên Koman de lîst. Di vir de bû 3'yemîn, ji komê wisa derket û di Kûpaya UEFA'yê de rêwîtiya xwe domand.

Şenol Guneş

- Şenol Guneş di 11'yê pûşpera 2015'an de ligel Beşîktaşê peymana 2+1 ligel Beşîktaşê girê da. Wî heta niha tîmên wekî Trabzon, Boluspor, Antalyaspor, Sakaryaspor, Bursaspor bi rê ve biribûn.

- Teknîk Dîrektorê Beşîktaşê Şenol Guneş ev 47 sal in li nav fûtbolê ye, yekem car dibe teknîk dîrektorê Beşîktaşê û wê dike şampiyon. 

- Guneş yekem car di sala 1988'an de li Trabzonê teknîk dîrektorî kir û heta niha di Lîgê de qet nebûbû şampiyon; yekem car ligel tîmek dibe şampiyon. Di salên 1995-1996, 2010-2011'an de tîma wî bûbû duyemîn.

- Serketina Guneş wekî şampiyon li nav tîmên klûban nîn e lê serketina wî ligel Tîma Neteweyî ya Tirkiyeyê heye. Di sala 2002'yan Kûpaya Cîhanê de wî tîm kir 3'yemîn. Bi vê serketinê UEFA'yê ew wekî Teknîk Dîrektorê Herî Serketî yê sala 2002'yan hilbijart.

Mario Gomez

- Golavêjê alman ê Beşîktaşê Mario Gomez vê hefteyê jî gola xwe avêt û îsal bû 28 golan bi fomaya Beşîktaşê diavêje. Bi vê jî wekî lîstikvanê biyanî yê ku di salekê de li Beşîktaşê herî zêde golan diavêje. Bi vê pênaseyê ket nav dîroka Beşîktaşê. Berê rekor di destê Demba Ba (27 gol) de bû.

- Gomez niha bi 26 golan di Lîga Super a Tirkiyeyê de wekî golavêjê salê di rêza yekemîn de ye.

- Sala bê Beşîktaş dê di Lîga Şampiyonan a Ewropayê de bilîze. Ew dê di torbeya çaran de bikeve pişkeyê.