Amed sporê piştî Bursa spor têk bir û derket çarîk fînala Kûpaya Zîraatê ya Tirkiyeyê. Di pişkeyê de Fenerbahçe Spor wekî reqîb derket pêşberî Amedê. Amed Spor maça yekemîn a ligel Fenerbahçeyê li mala xwe wê îro bilîze. Maç saet 13'an de wê bê lîstin û kanala A Haber ku maçên Kûpaya Zîraatê ew diweşîne wê vê maçê jî zindî biweşîne.
Ji ber diruşmeyên temaşevanan ên di maça Bursayê de PFDK'ê (Lijneya Dîsîplînê ya Fûtbola Profeslonel) cezayê lîstina bê temaşevan li Amedê birîbû ji ber vê dê temaşevanan negirin hundir lê temaşevanên Amedê ragihandin ku ew dê li derve dor sehayê kom bibin û bi vî awayî piştgirî bidin tîma xwe.
PFDK'ê li lîstikvanê Amedê Deniz Nakî jî ji ber wî peyamek li ser aştî û azadiyê weşandibû cezayê nelîstina 12 maçan lê biribû. Ji ber vê dê Nakî jî nikaribe bilîze.
FB yek ji tîmên herî mezin ê Tirkiyeyê ye ku di nav lîstikvanên wê de gelek lîstikvanên navdar ku di tîmên mezin ên Ewropayê de lîstine hene. Amed spor di dîroka xwe de yekemcar dê ligel FB'yê bilîze ku ev yek ji bo lîstikvanên Amedê dibe tecrubeyek mezin.