Stenbol
Serokomarê Iraqê Celal Talabanî ku ji bo hin hevdîtinan hatibû Tirkiyeyê bi Hevserokê DTP'ê Ahmet Turk re hevdîtineke pêk anî.

Di hevdîtina Serokomarê Iraqê Celal Talabanî û Hevserokê DTP'ê Ahmet Turk de parlementer DTP'ê Sirri Sakik jî amade bû.  Di hevdîtina li Stenbolê li Swîss Otelê pêk hat de, li ser pirsgirêka kurd danûstandineke pêk hat.
 Turk da zanîn ku wan li ser diyaloga di nav gelan de û demokrasiya li Rojhilata Navîn axivîne û ev yek li gotinên xwe zêde kir: "Ji bo li Rojhilata Navîn demokrasî pêk bê me projeya xwe pêşkêş kir."

Ahmet Turk li ser bêçekirina PKK'ê jî got: "Em her dibêjin ev pirsgirêk bi hêzên navîn divê çareser bibe. Ev pirsgirêka Tirkiyeyê ye. Divê bi hêzên hundirîn û aqileke hevpar çareser bibe. Divê Tirkiye ji vê pêvajoya biêş rizgar bibe, êdî tehamula tirkan û kurdan nemaye.
Li ser pirsa Talabanî ji bo planê tişteke gotiye yan na jî Turk wisa got: "Hin nîqaş û hevdîtin hene. Ji van nîqaşan dê çi derkeve em hê nizanin. Lê daxwaza me ew e ku pêşî li vir nîqaş çêbibe. Em bingehê saz bikin, ger fikrek hebe ji bo formulasyonê divê em aqileke hevpar saz bikin."

Her wiha Turk got ku divê ev nîqaş nebe amûreke hilbijartina herêmî. Turk li ser konferansa kurd jî wisa got:"Helbet em girîngiyê didin konferansê. Hêviya me aştî ye. Em girîngî didin projeyên aştiyê."